VOV4.K’ho- Drim ngai 9/10, tàm [òn dờng Hạ Long, càr Quảng Ninh geh lơh Pơrjum Kuang atbồ Tổng cục Hải quan mpồl lơh broă bal châu Á mờ châu Âu (ASEM) dơ\ 13. Do là dơ\ sơnrờp Tổng cục Hải quan Việt Nam drơng lơh dùl dơ\ pơrjum kuơmàng mờ geh lơh dờng ngan rlau jơh bơh tiah châu Á- châu Âu dê tàm gah broă lơh hải quan.

Broă drơng lơh Pơrjum ASEM dơ\ 13 là dùl bơta chờ hờp dờng, tơngo\ bơta pin dờn bơh ală anih lơh broă hải quan ASEM dê gơ wèt mờ hải quan Việt Nam. Pơrjum geh bơta tus bal bơh pơgăp 150 nă kuang bàng tus bơh 53 mpồl kuang bàng ala mat là ală Kuang atbồ Tổng cục, Kuang atbồ dờng cau gơnoar cih Mpồl hải quan dunia, ala mat ală Đại sứ quán ală lơgar tàm mpồl ASEM tàm Việt Nam…

Mpồl ASEM tìp mat cribơyai tàm 3 broă tờm, tàm hơ\ geh bơta lơngăp lơngai mờ chính trị; lơh sa mờ priă jền; niam chài- mpồl bơtiàn mờ bơto bơtê. Gùng dà lơh broă tàm mpồl hải quan ASEM tàm hơ\, geh: Mpồl lơh broă bè hải quan pơrjum ờs mờng pah nam mờ Pơrjum Kuang atbồ Tổng cục Hải quan geh bơyai lơh 2 nam dùl dơ\ tàm pơdar kơnòl broă drơng lơh đah châu Á mờ châu Âu.

Cau mblàng Lơ Mu K’Yến