VOV4.K’ho – Tàm 2 ngai, ngai òr mờ ngai do, tàm hìu pơrjum 2-9, [òn dờng Pleiku, geh lơh Pơrjum kuang bàng Mặt trận dà lơgar càr Gia Lai dơ\ 10, tơngai lơh broă bơh nam 2019 tus nam 2024.

Tus bal pơrjum geh rlau 300 nă kuang bàng ngan ngồn, ala mat ai 1 tơlak 600 rbô nă cau gơwèt 38 jơi bơtiàn kòn cau gam ơm kis tàm càr Gia Lai. Tơngume tờm bơh pơrjum dê geh, sền sơwì broă lơh jat Nghị quyết mờ broă lơh bơh Mặt trận dà lơgar Việt Nam càr Gia Lai dê tàm tơngai lơh broă pa do, mơkung ring bal Nghị quyết mờ broă lơh bơh Mặt trận dà lơgar Việt Nam càr dê tơngai lơh broă tus, ring bal jơnau yal tơr gùm cồng nha tă pơgồp jơnau đơs tàm rơndap rơcang cih Điều lệ Mặt trận dà lơgar Việt Nam…

Bal mờ hơ\, pơrjum kung cribơyai pồ Ủy ban Mặt trận dà lơgar Việt Nam càr Gia Lai khoá 10, mờ pồ mpồl kuang bàng tus bal Pơrjum kuang bàng ala mat gùt lơgar Mặt trận dà lơgar Việt Nam.

Cau mblàng K’Duẩn