VOV4.K’ho – Drim òr (27/9), tàm [òn dờng Dà Làc, càr Lâm Đồng, Bộ Ngoại giao pơ gồp bal mờ Mpồl ntrờ` tiah kis dunia (IOM) bơyai lơh pơrjum mblàng yal Jơnau ring bal gùt plai ù bè ntrờ` tiah kis dipal mờ adat boh lam, ờ do ờ dă mờ ring niam. Pơrjum geh ala mat 12 càr, [òn dờng tiah tàm gùl lơgar mờ Tây Nguyên tus bal. Tàm pơrjum, ală kuang bàng đơs ngan, Jơnau ring bal do là bơta tam gơl tàm jơnau git wă bal bơh mpồl bơtìan dunia dê nàng kờ` bơsong ală bơta lòng bè ntrờ` tiah kis, lơh gơlik tơngume lơh broă bal jat nùs nhơm git wă bal, tam pà kơ nòl mờ ring bal bè jơnau kờ`, ai broă ntrờ` tiah kis gơ gơs là bơta chồl pràn bơtàu tơnguh kơ\ kơljap.

Pơrjum dong ală kuang bàng git loh rlau tai bè bơta ntrờ` tiah kis bơh làng bol Việt Nam dê hờ lơgar ndai, broă Việt Nam tus bal bơt bơtàu, cribơyai, ki\ jơnau ring bal, ală jơnau kờ` bơh jơnau ring bal dê, broă lơh jat jơnau ring bal tàm kấp gùt plai ù kung bè bơta kuơmàng bơh broă mblàng yal cribơyai mờ lơgar ndai dê nàng mpồl bơtìan dunia in git di bè cồng nha mờ broă lơh ngan bơh Việt Nam dê tàm broă lơh rơcang sơndră kă bro kòn bơnus.

Cau mblàng K’Duẩn