VOV4.K’ho - Pơrjum mpồl cau kơnòm să ngăc ngar Việt Nam gùt plai ù dơ\ 2, nam 2019 geh bơyai lơh bơh ngai 26 tus 28 nhai 11 tus. Do là jơnau yal tàm pơrjum [ăo geh Đoàn TNCS Hồ Chí Minh dà lơgar bơyai lơh mho òr (21/11), tàm Hà Nội.

Pơrjum geh tơngu me: “Cau kơnòm să ngăc ngar Việt Nam tài tơngu me tơnguh bơtàu kơl jăp dà lơgar” geh bơyai lơh tàm càr lơgar Hà Nội kờ` pơn jăt tai tơnguh mpồl cau kơnòm să ngăc ngar lơgar Việt Nam gùt plai ù. Di gơlan geh 233 nă cau kơnòm să ngăc ngar, tàm hơ\ geh 106 nă cau kơnòm să ngăc ngar Việt Nam gam kis, lơh broă tàm 22 lơgar, ù tiah.

Tàm pơrjum, ala măt ală cau ngăc ngar kơnòm să Việt Nam geh tơrgùm cri bơyai mờ pơgồp jơnau bơceh pa, broă lơh, pơgồp jơnau bal tus mờ Đảng, Dà lơgar tàm broă lơh jăt ală tơngu me tơnguh bơtàu kơl jăp dà lơgar bè: tơnguh bơtàu cau lơh broă geh bơta ngăc ngar uă, sền gàr tiah kis mờ sơndră geh cồng nha mờ tam gơl trồ tiah, công nghệ mờ atbồ tàm broă lơh sa sồ, broă tơnguh uă cồng nha broă lơh bal mờ gàr niam bơta ndrờm bal mpồl bơtiàn.

Cau mblàng Ndong Brawl