VOV4.K’ho – Mho òr (03/9), tàm hìu lơh broă Chính phủ, Ủy viên Bộ Chính trị, Phó Thủ tướng, ồng Vương Đình Huệ, Kuang atbồ Mpồl đơng lam dà lơgar bè rơcang sơndră broă tam gơl priă ờ git loh bơh lơi geh gơs priă dipal mờ adat boh lam neh đơng lam dơ\ pơrjum bơh Mpồl đơng lam dê, nàng kờ` sền sơ wì tơngai lam lơh, kờp sền cồng nha lam lơh mờ chul chồl ală bộ, gah broă lơh lam lơh ală kơ nòl kuơmàng, jal mhar drơng mpồl in sền sơ wì uă lơgar Mpồl Châu Á – Thái Bình Dương bè rơcang sơndră broă tam gơl priă ờ git loh bơh lơi geh gơs priă dipal mờ adat boh lam (hòi lơyah là APG) tàm lồi nam do.

Đơs tàm dơ\ pơrjum, Phó Thủ tướng Vương Đình Huệ đơs loh, bơta kuơmàng bơh broă sền wì uă lơgar, bơta gơ rềng bơh cồng nha sră sền sơ wì do dê wèt tus mờ jơh rài lơh sa, chính trị, mpồl bơtìan bơh lơgar Việt Nam dê mờ sồr ală Bộ, gah broă lơh geh gơ rềng, ală kuang geh jơng tàm Mpồl đơng lam tơr gùm đơng lam lam lơh ală broă lơh jal mhar, kuơmàng, ală bộ, gah broă lơh pơn jat tai pơgồp bal jơh nùs, rơcang lài ai broă sền sơ wì uă lơgar in, lơh gơs tàm nhai 10 nam do nàng lơh geh cồng nha niam ngan rlau jơh.

Cau mblàng K’Duẩn