VOV4.K’ho – Drim do, 11/12, tàm Hà Nội, geh lơh pơrjum Mpồl tam klac ơruh pơnu Việt Nam dơ\ 8, tơngai lơh broă bơh nam 2019 tus nam 2024. Tus bal pơrjum geh 1 rbô nă cau, ala mat rlau 9 tơlak 900 rbô nă đoàn viên, ơruh pơnu gùt lơgar. Do là ngai chờ tam klac ală rơnàng ơruh pơnu Việt Nam, lơh tềl bơta bơtàu tơnguh bơh Mpồl dê mờ srơh ơruh pơnu dê.

Mờ nùs nhơm “Ơruh Việt Nam kờ` gơboh dà lơgar, bơceh pa, lơh broă dong kờl is, mut gơ rờm bal, bơtàu tơnguh”, tàm pơrjum, ală cau tus bal pơrjum geh sền wơl ală broă lơh bơh ơruh pơnu Việt Nam dê tơngai lơh broă bơh nam 2014 tus nam 2019, ai tơlik jơnau kờ`, gùng dà broă lơh, kơnòl broă, ală broă lơh tam gơl pa tàm tơngai lơh broă bơh nam 2019 tus nam 2024 mờ pồ Ban Chấp hành tơngai lơh broă pa.

Kuơmàng, tàm pơrjum, mho hìng (12/12), geh lơh dơ\ boh bơr mờ Thủ tướng Chính phủ mờ tơngume “Bơta kơp kờ` ơruh pơnu Việt Nam – tài dà lơgar pas sơm pràn kơldang mờ gơguh jak”. Do là tu\ nàng ală cau tus bal pơrjum in đơs bơta kơp kờ`, tă pơgồp jơnau bơceh pa mờ ai tơnggo\ nùs nhơm lơh ngan bơh ơruh pơnu Việt Nam dê bal mờ Chính phủ lơh ngan, chồl pràn bơtàu tơnguh lơh sa mpồl bơtìan.

Cau mblàng K’Duẩn