VOV4.K’ho – Ngai do, 12/3, tàm Hà Nội, Bộ Nông nghiệp mờ Phát triển Nông thôn bơyai lơh pơrjum pờ tơlik tơn tàm internet chồl pràn lơh sa suơn sre tàm bơta kòp Covid-19 gơbàn ua\. Pơrjum geh tơrgùm sền sơwì mờ ai tơlik ală broă lơh tềng đap ală gơ rềng bơh kòp Covid-19 dê gam gơlik geh kal ke ngan, ờ hềt gơtùi đơs lài tu\ lơi tơn jơh mờ gam lơh aniai ờ niam tus gơguh lơh sa suơn sre.

Bơdìh mờ ală bơta [uơn, tu\ niam tàm lơgar, gah lơh sa suơn sre kung gam pal kong mờ ua\ kal ke, bơta lòng bè: bơta gơ rềng ờ niam bơh tam gơl trồ tiah dê gơlik geh bơh bồ nam lơh gơbàn bơta trồ prang dờng soat dà, dà hang mut aniai tàm tiah ring dà dờng Cửu Long lơh aniai ua\ ngan tus gah tam phan mờ ròng phan tàm dà. Bal mờ hơ\, drà kă bro ua\ bơta phan lơh gơs bơh suơn sre ngai sơlơ gơmù mờ kong aniai bơh bơta tam phà kă bro đah ală lơgar dờng; kòp Covid-19 gơlik geh kal ke, lơh aniai tơn tus broă lơh sa mờ broă tac, blơi phan bơh lơgar ndai, tac phan lơh gơs bơh suơn sre lơgar Việt Nam dê.

Cau mblàng K’Duẩn