VOV4.K’ho- Ngai (16/4), Phó Thủ tướng, Bộ trưởng Bộ Ngoại giao ồng Phạm Bình Minh tus bal mờ là năc jà sơn rờp đơs tàm dơ\ pơrjum pờ tơn tàm internet kấp Bộ Trưởng Ngoại giao mờ tơngume lơh broă bal dunia rcang sơn dră kòp Covid-19 tàm mpồl tam klăc tài Chủ nghĩa uă lơgar geh bơta tus bal bơh Bộ trưởng Ngoại giao 26 lơgar châu Âu, châu Á-Thái Bình Dương, châu Mỹ La tinh mờ châu Phi.

Nàng mpồl bơtìan dunia in rcang sơn dră geh cồng nha mờ kòp dờng do, Phó Thủ tướng, Bộ trưởng Ngoại giao ồng Phạm Bình Minh yal 4 jơnau đơs ngan ngồn. Dùl là, sơlơ tơnguh tam klăc bal dunia, lơh broă bal uă lơgar mờ gơ noar broă tờm bơh Liên hợp quốc mờ Mpồl lơh sơnơm dunia dê. Bàr là, sơlơ tơnguh tam pà bal jơnau yal, bơta mờng chài, cồng nha kơlôi sơnơng; gàr niam tơl nă làng bol ndrờm gơtùi geh bal sơnơm vaccine mờ sơnơm sơm kòp. Pe là, hòi jà ơm ală broă lơh gơ rềng tus broă lơh ngan rcang sơn dră kòp. Mờ poan tai là, bơt bơtàu rơndap broă lơh bơtàu tơnguh tơnơ\ jơh kòp Covid-19 mờ kuơ màng là pơgồp bal broă lơh mờ gùng dà broă lơh nàng pơn jờng tơnguh lơh sa, kă bro mờ bơcri priă, bè ờs wơl drà kă bro mờ lơh niam wơl bơta pin dờn bơh mpồl lơh sa kă bro mờ làng bol dê.

Cau mblàng K’ Hạnh