VOV4.K’ho – Drim ngai òr (09/12), tàm Hà Nội, Quân ủy dà lơgar, Bộ Quốc phòng bơyai lơh Pơrjum Quân chính gùt ling klàng nam 2019. 

Tàm pơrjum, Thủ tướng Nguyễn Xuân Phúc neh yal wơl 2, 3 cồng nha pơn rơ ngan bè bơtàu tơnguh lơh sa – mpồl bơtìan nam 2019 dê, đơs là, cồng nha hơ\ geh bơta tă pơgồp kuơmàng ngan bơh Ling klàng làng bol Việt Nam dê. Nam 2020, đơs lài broă lơh sa dunia, ală lơgar rềp bal dê pơn jat tai gơlik geh kal ke. Den tàng, kơnòl bơt bơtàu ling klàng, bơtàu tơnguh gah Quốc phòng, sền gàr dà lơgar ai tơlik ală jơnau sồr pa, dờng rlau, kơn jơ\ rlau.

Đơs nền 2, 3 tơngume pal lam lơh jat tàm tơngai tus, Thủ tướng pin dờn là, mờ nùs nhơm tam klac bal, làng bol lơh tờm, tam gơl pa, geh kơnòl, lơh ngan ua\, ngan là Quân ủy dà lơgar, Bộ Quốc phòng mờ kuang bàng, cau ling gùt ling klàng geh lơh gơs geh cồng nha kơ nòl broă nam 2020 dê, sùm dipal mờ mat sơnđan “Cau ling wa Hồ” mờ bơta sền ngềr, pin dờn bơh Đảng, dà lơgar mờ làng bol dê.

Cau mblàng K’Duẩn