VOV4.K’ho - Tàm khà 203 mpồl bal mờ cau dùl nă să geh pơn rơ jak gùt ling klàng tàm broă lơh jat dơ\ lam sồr Tơnguh bơhìan ờs mờng, tă pơgồp ptàn jak, dipal mờ mat sơnđan cau ling wa Hồ (tơngai bơh nam 2014 tus nam 2019) geh jờng rơ tàm Pơrjum sền wơl jờng rơ cau geh pơn rơ jak gùt ling klàng pa geh lơh tàm càr lơgar Hà Nội, ală kuang bàng, cau ling, sỹ quan neh lơh àng gơ crà nùs nhơm cau ling wa Hồ tàm bơta bòl glar, kal ke. Kuơ màng rlau là ai tơnggo\ nùs nhơm chính trị, bơta pin dờn mờ nùs nhơm lơh ngan tam lơh, lơh ngan pha lin. Kuơ màng là tàm kơnòl pơlam tàp rơcang lài tam lơh, bơt bơtàu niam chài chính quy, pơlam tàp lơh jat kơrnuat, nùs nhơm lơh ngan lơh tờm phàu crong, rơcang lài bơta chài pa.

Mờ jơnau git wă bơh bồ tơngoh dê bal mờ bơta jơh nùs he dê, ală cau ling wa Hồ ngai do neh mờ gam ngan ngồn brồ guh lik hờ dà lềng dờng, lì nđar par hơđang kơl wàng trồ. Dùl tàm khà hơ\ là thiếu tá Trần Văn Phương, Phó kuang atbồ ơhò `ơp mur 184, Lữ đoàn 189, mpồl ling dà lềng. Mờ cồng nha jak ngan tàm broă tàm jàu mờ lơh tờm ơhò `ơp mur, mhar rlau mờ tơngai pơrgon tu\ bơsram tàm lơgar Nga, thiếu tá Trần Văn Phương yal, bơta sơn rờp ngan nàng git phan bơna ma\i mok pa, bi neh pal bơsram is dà đơs lơgar ndai nàng gơtùi git ală jơnau pơlam bơh cau jak chài lơgar ndai dê:

“Tu\ lam lơh ală jơnau rơndap sap sèng tam lơh mờ lam lơh broă lơh sền gàr ơhò `ơp mur sồr pal geh bơta pơgồp bal ring bal đah ală anih tàm ơhò. Bơh tơl dơ\ lòt să tờm dê, a` geh cau jak chài lơgar Nga tơngkah ală bơta gam ờ hềt niam, den tu\ hơ\ mơ, pal jòi geh ală broă lơh nàng bơsong ală bơta ờ niam do. Tàm tu\ lam lơh, a` kung bè ală cau lơh broă bal tàm ơhò đal git, lơh jat nền nòn ală kơrnuat, lơh ngan sền gàr Lữ đoàn 3. Kuơ màng là jơh nùs, tam klac bal mờ song dơpă. Den tàng mìng tàm tu\ tơngai lơyah, a` bal mờ ală cau ling bal neh tơn jơh ơdu\ bơto pơlam tàm jàu geh cồng nha niam, tơl pràn jak is năng ngui ală phan bơna kỹ thuật, geh cau jak chài lơgar Nga đơs niam ngan”. 

Kung là dùl nă sỹ quan kơnòm să sơl, mơya, Thiếu tá, cau ma\i rơndeh par kấp 1, bi Đinh Hoàng Long, atbồ mpồl par sồ 2, kong ti rơndeh par duk tiah đah jum dà lơgar, binh đoàn 18 neh geh tus 6 rbô jơ par prap gàr, tàm hơ\ geh git nđờ rhiang jiơ par lam lơh kơnòl dong kờl rềs àr, bi kung là cau pơgrru pơlam tàp uă cau ma\i rơndeh par in.

Thiếu tá, cau ma\i rơndeh par Đinh Hoàng Long neh jat jơng bơhìan ờs mờng mờ neh lơh pràn jak bơh cau ma\i rơndeh par ling klàng Việt Nam dê tàm ală bơta rơndeh par pa. Mơya tu\ yal, den bi yal bè dơ\ par gơlik geh bơta ờ niam mờ bi bal mờ mpồl par neh lơh niam wơl nàng gơtùi lơh kơnòl broă mờ kung gam sền gàr ờ do ờ dă màng kis mờ rơndeh par in tai:

“Hơ\ là dơ\ par ngai 18/6, a` geh dờp kơnòl par hờ bồt Sơn Ca nàng dong dùl nă sỹ quan ling dà lềng gơtìp gơlik mhàm tàm tơngoh tàm bơta ngòt rơngơt ngan. Tàm gùng par rê wơl, bol a` sền go\ rơndeh par gơtìp ờ niam tềng mai\ mok đah ma, mpồl ma\i neh lùp bác sĩ bè bơta cau kòp dê tơnơ\ hơ\, bol a` neh par rê wơl Trường Sa mờ dan jơnau đơs bơh kấp hơđang dê dan bơta dong kờl, ai 1 nơm rơndeh par tus hờ bồt Trường Sa  nàng dờp cau kòp par rê hờ ù gờl ờ do ờ dă, di tu\, tơnơ\ tu\ lơh niam wơl ma\i tàm bồt Trường Sa, bol a` neh pơn jat tai lơh kơnòl par rê hờ ù gờl ờ do ờ dă”.

Bal mờ ală krơh niam tàm ală mpồl ling tu\ do, ling klàng gam uă ngan ală krơh àng mờ sơlơ tàm bơta kal ke den sơlơ lơh àng gơ crà nùs nhơm cau ling wa Hồ. Đại úy Hoàng Nghĩa Sỹ, atbồ mpồl 11, Mpồl ling re dà, Liên đội 3, Lữ đoàn Đặc công dà 5, Binh chủng đặc công là dùl tàm ală khà hơ\. Bi pà git, broă lơh sùm bơh đặc công dà dê là pơlam tàp tàm ală tiah dà lềng, bồt bơlàu ngài tàm bơta trồ tiah ờ niam bè `sừc dà lềng gơguh tih, rơya dà lềng dờng, hiòng dà hòr pràn, dà lềng jrô mờ sùm pơlam tàp mờ khà jơnhua ngan. Tu\ lơh kơ nòl broă tàm ơning ơnàng `sừc dà lèng, sồr pal geh dùl nùs nhơm lơh ngan dờng mờ bơta pràn pơ gồp bal tam lơh uă :

“Pơlam tàp tàm trồ mang, mang klam jơ ngo tàm dà lềng, rơya dà lềng mờ càl khồm pràn ngan, khà jrô uă. Bol a` mìng git cau ling bal he dê bơh bơta đal git, ntas dà cau re bơh hờ đap. Tàm bơta jrô bè hơ\ den kung geh uă phan kis tàm dà lềng pơhìn lơh aniai tus broă bol a` lơh kơ nòl. Sồr tơl nă kuang bàng, cau ling đặc công dà pal pơlam tàp is nùs nhơm he in kră kơldang, geh bơta lơh ngan uă, geh bơta khin cha, nùs nhơm bơsong kal ke, sùm pơlam tàp dùl bă chài ală kỹ thuật, bơta chài tam lơh”.

            Git nđờ rhiang nă cau pơn rơ jak tàm gùt ling klàng 5 nam do neh ngan ngồn là ală cau geh bơta gơ rề uă bơh tơl mpồl ling mờ tàm gùt ling klàng dê tàm nùs nhơm lơh ngan lam lơh kơnòl broă mờ Kuơ màng là pơgồp bơnah bơt bơtàu mờ tơnguh uă jơnau git wă, kơnòl broă, bồ tơngoh, bơta pràn jak, bơta bơceh pa dờng màng mờ bơta kơp kờ` tă pơgồp ai broă lơh bơt bơtàu mờ sền gàr kơ\ kơljap dà lơgar Việt Nam Xã hội chủ nghĩa: nàng kuang bàng, cau ling gùt ling klàng ơn lài ngan là bơta kờ` gơboh dà lơgar, rơcang dờp tơl kơnòl broă, lòt khat tàm tiah lơi tu\ dà lơgar kờ`.

Cau mblàng K’Duẩn