VOV4.K’ho – Drim òr, 15/8, tàm Hà Nội, Quân ủy dà lơgar, Bộ Quốc phòng bơyai lơh pơrjum sền wơl mờ jờng rơ cau geh pơn rơ jak 5 nam lơh jat Dơ\ lam sồr “Bơtàu tơnguh bơhìan ờs mờng, tă pơgồp pràn jak, dipal mờ mat sơnđan cau ling wa Hồ” gơ jat bal mờ bơsram mờ lơh jat nùs nhơm, rài Bác Hồ (tơngai bơh nam 2014 tus nam 2019). Tơnơ\ 5 nam lơh jat dơ\ lam sồr neh geh mpồl đơng lam, pơlam, anih lơh broă chính trị ală kấp tàm gùt ling klàng tơr gùm đơng lam nền nòn, lam lơh tơl làm, ring bal; ngan ngồn là bơta niam krơi is tàm broă bơsram mờ lơh jat nùs nhơm, rài kis Bác Hồ, ai tơng go\ kơnòl chính trị dờng màng bơh ling klàng dê gơwèt mờ Đảng, Dà lơgar mờ làng bol.

Đơs tàm pơrjum, Đại tướng, Bộ trưởng Bộ Quốc phòng, ồng Ngô Xuân Lịch đơs ngan, tus tu\ do dơ\ lam sồr neh lơh geh cồng nha kuơ màng bơh sơn rờp, lơh gơs bơta gơ rề jrô ơnàng, gơ gơs là bơta pơn jờng, jơnau git wă is, broă lơh sùm bơh kuang bàng, cau ling dê; lơh gơs jak ngan kơnòl sền gàr kơ\ kơljap ngap lơngai is gơnoar tờm, tơr gùm dùl, tơl làm ù tiah dà lơgar dê, sền gàr Đảng, Dà lơgar mờ làng bol mờ rài Xã hội chủ nghĩa. Tàm pơrjum sền wơl, geh 203 mpồl cau, cau 1 nă să geh pơn rơ jak tàm broă lơh jat dơ\ lam sồr geh pà bằng khen bơh Bộ trưởng Bộ Quốc phòng dê.

Cau mblàng K’Duẩn