VOV4.K’ho – Pơn jat tai dơ\ pơrjum kuang bàng dờng màng ASEAN, ngai 4/3, Thứ trưởng Bộ Ngoại giao, ồng Nguyễn Quốc Dũng neh đơng lam Pơrjum kuơmàng bơh ală kuang bàng dờng màng (SOM) ASEAN dê, sơn đờm lam lơh cribơyai gùng dà broă lơh bơt bơtàu broă rơndap lơh ASEAN tơnơ\ nam 2025. Do là dùl jơnau bơceh kuơmàng bơh lơgar Việt Nam dê sồr nàng kờ` ai tơlik lài gùng dà broă lơh bơtàu tơnguh jo\ tơngai bơh mpồl bơtìan ASEAN dê tơnơ\ nam 2025.

Cribơyai bè bơt bơtàu broă rơndap lơh mpồl bơtìan ASEAN tơnơ\ nam 2025, Thứ trưởng Nguyễn Quốc Dũng đơs nền, bơt bơtàu broă rơndap lơh ASEAN tơnơ\ nam 2025 là dùl broă rơndap lơh jo\ jòng, sồr bơta tus bal tă pơ gồp bơh tơl mpồl lơh broă dê. Ală lơgar đơs là, broă bơt bơtàu broă rơndap lơh pa pal lơh jat kơrnuat mờ gàr niam bơta kuơ tờm bơh ASEAN dê; tàm pơn jat mờ tơnguh ală cồng nha mờ ASEAN neh lơh geh; tơnguh gơnoar broă rơcang lài bơh ASEAN dê tam dră mờ ală tam gơl ua\ ngan gam gơlik geh tàm dunia mờ tàm tiah do; tơnguh bơta niam chài ASEAN mờ lam ASEAN tus rềp rlau mờ làng bol mờ tơnguh gơnoar broă tàm dunia bơh ASEAN dê.

Cau mblàng K’Duẩn