VOV4.K’ho- Mho ngai 2/12, tàm [òn dờng Dà Làc, càr Lâm Đồng, Mpồl Cau lơh broă sa dà lơgar Việt Nam bơyai lơh “Pơrjum tàm yal tơngi\t bal bơta mờng chài bè bơtàu tơnguh lơh broă sa sươn sre, cau lơh broă sa mờ [òn lơgar 3 lơgar Việt Nam- Lào mờ Campuchia”. 

Tàm ală nam do, gi\t gơ\p lơh broă bal đah Việt Nam mờ Campuchia bal mờ Lào sùm geh sơlơ lơh kơ\ kơl jăp tàm ală gah broă. Jăt ồng Thào Xuân Sùng, Kuang ătbồ Mpồl đơng lam Mpồl Cau lơh broă sa dà lơgar Việt Nam dê đơs, tàm gah lơh broă sa sươn sre, Việt Nam- Lào mờ Campuchia neh lơh geh ală cồng nha niam ngan, mơya kung gam ờ hềt ndrờm pal sơl mờ bơta pràn, bơta geh bơh ală dà lơgar dê.

Ồng Thào Xuân Sùng kơ\p kờ` tàm tơngai tus, gah lơh broă sa sươn sre bơh 3 lơgar dê geh pơn jăt tai lơh bal, tàm yal tơngi\t bal bơta mờng chài nàng bơtàu tơnguh rlau tai lơh broă sa sươn sre, cau lơh broă sa mờ [òn lơgar bơh tơl lơgar dê. Cribơyai nàng kờ` ai geh ală jơnau dan, jơnau sồr gơ wèt mờ Đảng mờ Dà lơgar bơh tơl lơgar dê tàm broă sơlơ tìp măt, lơh quèng, lơh broă bal tàm bơtàu tơnguh lơh broă sa sươn sre, cau lơh broă sa mờ [òn lơgar tàm tơngai tus.

Cau mblàng Lơ Mu K’Yến