VOV4.K’ho - Tàm Hà Nội, Bộ Kế hoạch mờ Đầu tư pơgồp bal mờ Bộ Nông nghiệp mờ Phát triển Nông thôn, mpồl tam klăc Hợp tác xã Việt Nam bơyai lơh pơrjum tơn jơh gùt lơgar 15 nam lơh jăt Nghị quyết dà lơgar 5 khoă 9 bè broă pơn jăt tai tam gơl pa, tơnguh bơtàu mờ tơnguh uă cồng nha broă lơh sa bal, hợp tác xã.

Tơnơ\ mờ 15 nam lơh jăt Nghị quyết, Đảng mờ Dà lơgar neh tơl^k uă gùng dà broă lơh, cơ chế, dong kờl kờ` lơh mờ tơnguh uă cồng nha bơh hợp tác xã.

Chính phủ, Thủ tướng Chính phủ neh tam gơl mờ tơl^k uă broă lơh pa, tơnguh broă lơh jăt thể chế gơrềng tus mờ broă lơh sa bal, hợp tác xã.

Kờp tus ngai 31 nhai 12 nam 2018, gùt lơgar geh rơlao 101 rơbô mpồl lơh broă bal, rơlao 22 rơbô 800 hợp tác xã mờ 74 mpồl tam kllăc bal hợp tác xã, hòi jà geh mờr 6 tơlăk nă cau tus bal.

Kuơ màng, tàm 5 nam pa do, bơh tu\ geh adăt Hợp tác xã nam 2012, khà Hợp tác xã geh crơng gơs gơguh mhar bơh ală nam. Hợp tác xã gơrềng tus mờ broă lơh sa bal bơh broă ai broă lơh, tơmù khà priă tă, tơnguh priă tăc, pơgồp bal tàm broă tơnguh rài kis, tơn jơh jơgloh tơmù rơ[ah, rài kis lơh broă sa mpồl bơtiàn tàm uă tiah in.

Cau mblàng Ndong Brawl