VOV4.K’ho - Bộ Giáo dục mờ Đào tạo bơyai lơh pơrjum pờ tơl^k tơn tàm internet tàm 7 anih bè tơn jơh broă rơwah kơnòm bơsram nam 2019 mờ lơh jăt broă rơwah kơnòm bơsram nam 2020 mu\t bơsram tàm hìu bơsram đại học chính quy, cao đẳng gah bơto bơtê mầm non chính quy.

Nam 2019, gùt lơgar geh rơlao 650 rơbô nă kơnòm bơsram dan tus pơrlòng. Khà kơnòm bơsram chính quy geh rơwah, mu\t bơsram mờ ală broă rơwah là rơlao 410 rơbô nă.

Broă rơwah kơnòm bơsram nam 2019 gam geh ờ uă bơta ờ niam bè: broă bơyai lơh ờ di pal mờ gah bơto, geh ờ uă gah lơh pơgru geh khà kơnòm bơsram tơl điểm ờ uă den tàng ờ tơl bơta kờ` pờ ơdu\ bơsram…

Bè broă rơwah kơnòm bơsram nam 2020, ală kuang bàng ring bal bè broă gàr ring niam tàm broă bơyai lơh pơrlòng mờ rơwah ndrờm bè nam 2019, mìng pal lơh niam wơl ờ uă broă kờ` broă rơwah kơnòm bơsram geh tơmù ală bơta gam ờ niam bè broă gơbàn tàm kàl rơwah kơnòm bơsram nam 2019.

Cau mblàng Ndong Brawl