VOV4.K’ho- Mho ngai 7/10, tàm [òn dờng Buôn Ma Thuột, càr Dăk Lăk, Bộ Ngoại giao pơgồp bal mờ Ủy ban Nhân dân càr Dăk Lăk, Anih lơh broă hòi jà kă bro dunia lơgar Nhờk (JETRO) bơyai lơh pơrjum “Tơnguh lơh broă bal đah Tây Nguyên mờ Nhờk”. Pơrjum geh bơta tus bal bơh 100 nă cau ala mat bơh 2 lơgar dê.

                                                         Anih bơyai lơh pơrjum

Tàm pơrjum, cau ala măt ală anih lơh broă bơtàu tơnguh, hòi jà bơcri priă mờ mpồl lơh sa kă bro lơgar Nhờk bal mờ kuang đơng lam bồ mờ cau ala mat ală sở, gah sơnah lơh broă tàm Tây Nguyên neh cribơyai dunia, yal tơngi\t bal jơnau, sền swì broă gơlik geh, đal gi\t bơta gơn kơnờm mờ ală bơta ờ pràn jak gam gơkòl kung bè dan geh ală gùng dà broă lơh nàng dong tơnguh pràn kơldang rlau tai lơh broă bal tàm ală gah broă lơh mờ 2 gah ndrờm sền gròi bal.

      Pơrjum pờ tơlik bơta gơn kơnờm lơh broă bal bơcri priă đah Nhờk mờ ală càr Tây Nguyên

Tu\ do neh geh 1.800 mpồl lơh sa kă bro lơgar Nhờk dê bơcri priă tàm Việt Nam mờ geh 69 yô tiah Việt Nam mờ Nhờk lơh broă bal mờ gơ\p. Jăt jơnau lùp, den geh tus 70% ală công ty lơgar Nhờk dê lơh broă tàm Việt Nam geh broă rơndăp lơh rề ơnàng lơh sa kă bro tàm Việt Nam. Pơrjum dơ\ do là tu\ tơngai niam nàng ală mpồl lơh sa kă bro lơgar Nhờk dê in rề ơnàng drà kă bro bơcri priă lơh broă bal tàm do.

Cau mblàng Lơ Mu K’Yến