VOV4.K’ho- Tàm [òn dờng Dà Làc, Mpồl Chủ tịch Ủy ban Mpồl tam klăc Ơruh pơnu dà lơgar Việt Nam khoá 12 bơyai lơh pơrjum dơ\ 11 ( rề ơnàng).

Tàm dơ\ pơrjum, tơnơ\ iăt kơno ală jơnau yal, ală kuang bàng tơrgùm cribơyai tơn jơh jơnau sền sơ wì cồng nha broă lơh hội mờ srơh ơruh pơnu 6 nhai bồ nam, kơnòl tờm 6 nhai lồi nam mờ rcang dơ\ pơrjum dờng kuang bàng gùt lơgar Mpồl tam klăc Ơruh pơnu dà lơgar Việt Nam khóa 8(tơngai lơh broă bơh nam 2019 - 2024).

Mờ tơngume broă lơh nam “ Bơt bơtàu Mpồl kơ\ kơl jap” geh ală kấp bộ Hội sền gròi mờ lơh dùl ròt bal: Srơh “ A` kờ` gơboh dà lơgar a`” geh lơh uă broă lơh duh hồl. Kuơ màng 6 nhai lồi nam, Mpồl tam klăc Ơruh pơnu dà lơgar Việt Nam pơn jat tai lơh pràn broă mblàng yal mờ lơh jat Chỉ thị bơh Ban Bí thư Đảng dà lơgar dê bè “Sơlơ tơnguh tai bơta đơng lam mờ Đảng dê gơ wèt mờ broă bơto bơtê nùs nhơm kac màng, nùs nhơm mờ rài kis niam chài rơgơi ai rơnàng kơnòm să in tơngai bơh nam 2015 - 2030”;  mblàng yal jrô ơnàng tàm ơruh pơnu srơh “ A` kờ` gơboh dà lơgar a`”.

Cau mblàng K’Hạnh