VOV4.K’ho- Drim òr (27/8), tàm càr lơgar Phnom Penh, lơgar Campuchia dê neh mut pơrjum Ủy ban Sền gàr dà lơgar mờ Lơngăp lơngai bơh 3 Quốc hội 3 lơgar: Việt Nam- Lào mờ Campuchia.

Tàm pơrjum do, ală Ủy ban neh yal bè broă lơh sa- mpồl bơtiàn bơh tơl lơgar dê, sền wơl cồng nha lơh broă bal lơh sa- sền gàr dà lơgar- lơngăp lơngai mờ lơh broă mờ lơgar ndai tàm tơngai do. Bơh broă lơh ngan ngồn bơh he dê, ală kuang bàng ala mat 3 lơgar kung tàm yal tơngi\t bal ală bơta mờng chài nàng lơh tơnguh rlau tai bơta lơh broă bal đah 3 Ủy ban dê tàm gah broă lơh sền gàr dà lơgar mờ lơngăp lơngai.

Bơh hơ\, dong lơh tơnguh rlau tai bơta gi\t gơ\p ờs mờng bơh yau tam klac bal, lơh bơyô bal jo\ rài đah làng bol ală jơi bơtiàn dê, pơn jat tai bơtàu tơnguh tài bơta kuơ bơh tơl lơgar dê, bơh pe mum bơtàu tơnguh pe lơgar mờ rề ơnàng tai là bơta kuơ bal bơh tiah do mờ dunia dê.

Cau mblàng Lơ Mu K’Yến