VOV4.K’ho - Ngai òr (15/10), tàm [òn dờng Dà Làc, càr Lâm Đồng neh bơyai lơh pơrjum kuang bàng dờng màng mpồl ASEAN mờ lơgar Lo bè broă lơh jăt jơnau yal bơr bè broă lơh bơh ală gah tàm dà lềng đah măt tơngai l^k (DOC) dơ\ 18.

Thứ trưởng Bộ Ngoại giao ồng Nguyễn Quốc Dũng neh lam bồ mpồl kuang bàng lơgar Việt Nam tus pơrjum.

Đơs tàm pơrjum, mpồl kuang bàng lơgar Việt Nam neh lơh loh bè ală kal ke tàm dà lềng đah măt tơngai l^k, kuơ màng là broă gơnoar tòm ù tiah mờ gơnoar cri bơyai bơh lơgar Việt Nam gam gơtìp tìs uă ngan, đơs uă tus mờ nùs nhơm, broă lơh di pal bơh lơgar Việt Nam dê geh ai tàm ală kơrnoăt tàm adăt boh lam dunia mờ Công ước bơh Liên hợp quốc dê bè adăt dà lềng (UNCLOS) nam 1982.

Mpồl kuang bàng lơgar Việt Nam đơs tòm tus mờ broă lơh tìs bơh lơgar Lo neh mờ gam gơbàn ờ niam tus mờ bơta ring lơngai mờ lơngăp lơngai tàm tiah do, mờ ờ ai geh bơta [uơn ai broă cri bơyai bơ\t bơtàu kơrnoăt lơh broă bal tàm dà lềng đah măt tơngai l^k (COC).

Mpồl kuang bàng lơgar Việt Nam neh ai uă broă lơh kờ` lơh niam gùng dà broă lơh ai ală dar cri bơyai tus do in, tàm hơ\ geh broă tơrgùm bơsong ală broă geh nùs nhơm dong kờl, tơnguh gơnoar bơh ală kuang bàng dờng màng (SOM) tàm broă đơng lam, lam sồr mờ gùng dà ai broă cri bơyai.

Cau mblàng Ndong Brawl