VOV4.K’ho- Ban Thường vụ Tỉnh ủy Dăk Lăk neh bơyai lơh ai ală cau tơlik măt te\ khà in sền gàr broă rơndăp lơh broă nàng kờ` pơrlòng rwah gơnoar broă Bí thư Huyện ủy Lăk mờ Bí thư Huyện ủy Buôn Đôn. Do geh sền là broă lơh tam gơl uă ngan tàm broă lơh kuang bàng tu\ do tu\ mờ Dăk Lăk là tiah bơh sơnrờp lơh jăt broă lơh pơrlòng rwah gơnoar broă Bí thư Huyện ủy.

Jăt mờ hơ\, geh 5 nă cau tơlik măt tus bal pơrlòng rwah tàm gơnoar broă Bí thư Huyện ủy Lăk, tàm hơ\ geh: mò Nguyễn Thị Thu An, Phó Kuang ătbồ Cơldu\ lơh broă sră pơ àr UBND càr Dăk Lăk; ồng Hoàng Minh Cương, Kuang ătbồ Hìu bơsram Cao đẳng broă lơh Dăk Lăk; ồng Nguyễn Văn Hà, Phó Kuang ătbồ Sỏ Văn hoá, Thể thao mờ Du lịch càr Dăk Lăk; ồng Nguyễn Văn Khoa, Phó Kuang ătbồ Sở Khoa học mờ Công nghệ càr Dăk Lăk mờ ồng Võ Ngọc Tuyên, Phó Kuang ătbồ Sở Kế hoạch mờ Đầu tư càr Dăk Lăk.

Gơ wèt mờ gơnoar broă Bí thư Huyện ủy Buôn Đôn, geh 4 nă cau tus bal tơlik măt pơrlòng, tàm hơ\ geh: ồng Ra Lan Von Ga, Kuang ătbồ Hìu bơsram Cao đẳng Công nghệ Tây Nguyên; ồng Y Mơ Mlô, Phó Kuang ătbồ Sở Nội vụ càr Dăk Lăk; ồng Ya Toan Ênuôl, Phó Bí thư Thành ủy Buôn Ma Thuột, mờ ồng Y Jăn Buôn Krông, Phó Bí thư Huyện ủy Cư Kiu`.

Tàm dơ\ pơrlòng, 9 nă cau tơlik măt tus bal pơrlòng rwah lơh ală gơnoar broă Bí thư Huyện ủy 2 kơnhoàl do dơ\ dùl nă sền broă rơndăp lơh mờ hơ ală jơnau lùp digơlan gơlik geh mờ mpồl kuang bàng Ban thường vụ Tỉnh ủy Dăk Lăk dê lùp. Gùng dà bơyai lơh ờ ndơ\p mpồn, song dơ pă loh làng neh geh tu\ niam ai ală cau tơlik măt in tơngo\ bơta pràn jak, tơngo\ nùs nhơm lơh broă geh kơnòl ngan bơh să tờm dê.

Tơlik măt pơrlòng ăt gơnoar broă Bí thư Huyện ủy Lăk, ồng Hoàng Minh Cương, Kuang ătbồ Hìu bơsram Cao đẳng Broă lơh Dăk Lăk, pà gi\t: Bol a` ndrờm gi\t geh kơnòl mờ rcăng lài tàm broă jòi lùp, bơsram, kơlôi sơnơng. Ờ go\ di mìng do ai he in lơh broă tàm gơnoar broă gam pơrlòng mờ gam pờ ơnàng tai bơta gi\t wa\ nàng gơtùi đòm jăt tàm broă lơh mờ tu\ do he gam lơh. Pơrlòng rwah geh lơh gơlik bơta gơrề niam ngan geh bal ai ală kuang bàng ătbồ đơng lam in kung geh sơl gùng dà bơto pơlam nàng bơsram tàp, pơđơl pràn lơh ngan. Bơh bơta do gơtùi ai jơnau bơsram mờng chài bơtơl tai tàm broă lơh sac rwah kuang bàng geh cồng nha mờ niam rlau.

Pơrlòng rwah ờ ndơ\p mpồn, song dơ pă loh làng gơnoar broă Bí thư Huyện ủy là broă lơh pa ngan, Dăk Lăk là càr bơh sơnrờp lơh broă do tàm gùt lơgar. Ồng Bùi Văn Cường, ủy viên Đảng Dà lơgar, Bí thư Tỉnh ủy Dăk Lăk đơs nền, broă lơh do geh dong Đảng in “rwah geh cau jak ala tài rwah cau hìu bơnhă”. Ờ ndơ\p mpồn loh làng song dơ pă pơrlòng rwah kuang bàng geh rơhời lơh geh gùng dà ngui mờ pồ kuang bàng đơng lam ătbồ ring bal, làng bol lơh tờm, song dơ pă, jòi geh ală kuang bàng geh tơl nùs, bồ tơngoh jak, lơh broă jak drơng broă bơtàu tơnguh bơh càr dê in.

Ồng Bùi Văn Cường, đơs: Ala tài broă pơrlòng rwah lài do bơh broă nggui sền swì bi A, bi B, bi C, ờ iăt ală bi hơ\ mblàng yal, ală bi kung ờ go\ đơs tus tàm hơ\ ală bi lơh bơta lơi sơl, den ờ gơtùi gi\t geh là bi hơ\ là cau jak halà ờ. Ai tu\ do, bi sền mblàng yal broă rơndăp lơh broă bơh he dê den loh làng là bi lơi jak rlau den bi hơ\ geh. Do là tam gơl dùl broă lơh pơrlòng sac rwah lơm, bol a` kơlôi là, digơlan geh niam rlau mơkung ngan là bơh jơnau niam rlau ờ go\ di mìng sền swì mờ gam tàm bơta nùs nhơm bồ tơngoh rcăng lài tai ai ală cau tơlik măt tus bal pơrlòng in.

Bal mờ broă pơrlòng rwah ờ ndơ\p mpồn song dơ pă loh làng gơ wèt mờ gơnoar broă Bí thư Huyện uỷ ală kơnhoàl Lăk mờ Buôn Đôn; tơngai tus, Dăk Lăk geh lơh broă lơh pơrlòng rwah gơ wèt mờ ală gơnoar broă Kuang ătbồ ală Sở: Công thương, Tài nguyên mờ Môi trường, Phó Kuang ătbồ sở Nông nghiệp mờ Phát triển Nông thôn. Broă lơh do gam dờp geh bơta sền gròi uă ngan bơh kuang bàng mờ làng bol càr Dăk Lăk dê.

Ồng Nguyễn An Vinh, lài do là Bí thư Tỉnh ủy Dăk Lăk gơn kơnờm là bơta tam gơl do geh bơsong geh bàr pe bơta ờ hềt niam tàm broă lơh kuang bàng tu\ do: A` go\ gùng dà broă lơh bơh càr Dăk Lăk dê là niam ngan, lơh jăt di nùs nhơm đơng lam tàm bàr pe kơrnoat mờ gùng dà broă lơh bal bơh Đảng dê bè ngui cau jak. Lơh geh broă hơ\ den geh bơsong geh bàr pe bơta geh ngan lài do, hơ\ là tài bơh cau rềp mềl, tài bơh bơta kuơ mpồl, nùs nhơm êt sơ ềl neh ai tơmu\t cau ờ jăt di nùs nhơm đơng lam pal lơh broă jak, geh nùs nhơm niam, rài kis niam, geh broă lơh jak mờ tơngo\ geh broă lơh tam dră sa kuề sa kùa. Tơngai rềp ndo, cau sùm đơs sa kuề sa kùa bè gơnăp gơnoar, sa kuề sa kùa bè chính trị mùl màl geh bơta hơ\ mờ pơneh tàm kuang bàng làng bol ờ suk den tu\ do geh bơsong geh bơta hơ\.  

Cau cih Hương Lý- Cau mblàng Lơ Mu K’Yến