VOV4.K’ho- Pơn jăt tai pơrjum dơ\ 8, ngai 15/11, ală kuang bàng Quốc hội cribơyai tàm mpồl ai jơnau đơs bè 4 rơndăp lơh Adat, tàm hơ\ geh: Rơndăp lơh Adat Bơcri priă (tam gơl); Rơndăp lơh Adat Mpồl lơh sa kă bro (tam gơl); Rơndăp lơh Adat tam gơl, bơtơl bàr pe bơta bơh Adat Ai ngui sră nggal gơrềng tus kơrnoat boh lam mờ Rơndăp lơh Adat Ơruh pơnu (tam gơl).

Bè Rơndăp lơh Adat Bơcri priă (tam gơl) rcăng tam gơl ală tơngume, bè: gùng dà broă lơh bè bơcri priă lơh sa kă bro; gah, broă lơh kơryan ờ ai bơcri priă lơh sa kă bro; gah broă lơh bơcri priă lơh sa kă bro geh bơta pal geh. Tam gơl, bơtơl gah, broă lơh kơryan ờ ai bơcri priă lơh sa kă bro, Mat gah, broă lơh bơcri priă lơh sa kă bro geh bơta pal geh; gah, broă lơh geh tus bal tàm drà kă bro geh bơta pal geh gơ wèt mờ cau bơcri priă lơgar ndai; dong kờl bơcri priă; bơcri priă jăt gùng dà broă lơh crơng gơs mpồl lơh sa.

Cau mblàng Lơ Mu K’Yến