VOV4.K’ho- Mho 22/11, Quốc hội pơrjum bal tàm hìu pơrjum, pờ tê ring bal 3 Rơndăp lơh adat, mơkung ki\ ring bal broă ai tơn jơh ăt gơnoar broă Bộ trưởng Bộ Y tế gơ wèt mờ mò Nguyễn Thị Kim Tiến. Bal mờ uă ngan kuang bàng ring bal, Quốc hội neh ring bal Adat tam gơl, bơtơl bàr pe bơta bơh Adat Bơyai broă Chính phủ mờ Adat Bơyai broă Gơnoar ătbồ [òn lơgar; Adat Ling klàng làng bol sền gàr is (tam gơl) mờ Adat lik, mu\t hờ lơgar ndai bơh làng bol Việt Nam dê.

Tàm Adat tam gơl, bơtơl bàr pe bơta bơh Adat Bơyai broă Chính phủ dê, Quốc hội bơtơl bàr pe gơnoar ai Chính phủ, Thủ tướng bal mờ ală Bộ trưởng in. Gơ wèt mờ Thủ tướng Chính phủ, Adat pa bơtơl tai gơnoar geh lơh nền crơng gơs, tơmu\t bal, tơn lời lơh broă ală anih lơh broă, mpồl lơh broă ndai gơ wèt Ủy ban Nhân dân kấp càr; lơh nền crơng gơs mpồl duh broă, ủy ban halà ban tu\ kờ` nàng dong Thủ tướng Chính phủ kơlôi sơnơng, đơng lam, pơgồp bal bơsong ală broă kuơmàng ală gah broă lơh.

Cau mblàng Lơ Mu K’Yến