VOV4.K’ho- Pơn jăt tai pơrjum dơ\ 8, Quốc hội khoá 14, drim 11/11, Quốc hội pờ tê ring bal Kơrnoat bè broă rơndăp lơh bơtàu tơnguh lơh sa- mpồl bơtiàn nam 2020. Quốc hội kung iăt sră yal bè rơndăp broă lơh Adat Bơcri priă jăt broă lơh lơh broă bal đah dà lơgar mờ làng bol; Sră yal bè rơndăp lơh Adat tam gơl, bơtơl bàr pe bơta bơh Adat Bơ\t bơtàu; Sră yal bè rơndăp lơh Adat tam gơl, bơtơl bàr pe bơta bơh Adat Rcăng, sơndră trồ tiah lơh adat mờ Adat bơtơ\t rbòng dà…

Ală kuang bàng cribơyai tàm mpồl bè rơndăp lơh Adat Bơcri priă jăt broă lơh lơh bal đah dà lơgar mờ làng bol. Mho ngai 11/11, Ủy viên Ủy ban Thường vụ Quốc hội, Kuang ătbồ Ủy ban Sền gàr dà lơgar mờ lơngăp lơngai bơh Quốc hội dê ồng Võ Trọng Việt sền Jơnau yal mblàng lơh loh làng mờ iăt kơno, lơh tam gơl wơl rơndăp lơh Adat Mpồl cau rcăng lài hòi jà lòt ling.

Ală kuang bàng cribơyai tàm hìu pơrjum bè bàr pe tơngume gam geh jơnau đơs krơi is bơh rơndăp lơh Adat Mpồl cau rcăng lài hòi jà lòt ling. Anih lơh broă yal mờ anih lơh broă đơng lam lùp sền wơl pơgồp bal yal, lơh loh bàr pe broă mờ kuang bàng Quốc hội dê đơs.

Cau mblàng Lơ Mu K’Yến