VOV4.K’ho- Ngai do 7/11, ală kuang bàng Quốc hội pơn jăt tai lùp ồng Trần Tuấn Anh Bộ trưởng Bộ Công thương. Lài hơ\, tàm bơnah hơ jơnau lùp mho ngai 6/11, ồng Trần Tuấn Anh neh dờp kơnòl bè 2 broă là ờ gơtùi gi\t geh lài bơta geh ngan ờ lơh jăt rơndăp ù tiah bơh ồs đèng măt tơngai, ồs đèng càl dê mờ bơta geh ngan phan ờ ngan, phan đòm, phan ờ niam kung gam geh uă ngan sơl; Mơkung yal ală gùng dà broă lơh nàng bơsong tàm tơngai tus kung bè broă hơ ai tơl đèng tềng đap mờ jơnau digơlan gơbàn ờ tơl đèng uă ngan.

Tơn jơh dơ\ lùp mờ hơ jơnau lùp mho ngai 6/11, ală kuang bàng neh lùp tai uă jơnau gơ wèt mờ ồng Trần Tuấn Anh Bộ trưởng Bộ Công thương, tàm hơ\ geh broă sră nggal bơcri priă kă bro gam kal ke mờ ală bơta kal ke tàm broă lơh gơlik phan, tăc phan mờ lơgar ndai, ngan là phan lơh geh bơh sươn sre tu\ do digơlan “gơtìp ờ jai tơn tàm drà tàm lơgar”…Ală tơngume do geh Bộ trưởng ồng Trần Tuấn Anh pơn jăt tai hơ tơn tàm drim ngai 7/11.

Cau mblàng Lơ Mu K’Yến