VOV4.K’ho- Đồng Nai Thượng là xã tiah sar lơgar ngài ngan rlau jơh kơnhoàl Cát Tiên, càr Lâm Đồng dê bal mờ mờr 100% là cau Mạ ơm kis. Bal mờ ală gùng ù dềt hăt hal bo\ bil ntiar lơm bè lơm, rài kis mờ broă lơh sa bơh làng bol dê bè hơ\ den tàng kung kal ke ngan sơl, sùm pal dong kờl phe sa tàm kàl puh pah. Kơnờm lơh pràn bơ\t bơtàu [òn lơgar pa, tus tu\ do, xã ờ gam tai hìu jơgloh, ờ gam tai hìu lơm ing lơm. Rài kis làng bol dê ngai sơlơ bơtàu tơnguh, tam gơl pa.

Hìu niam bơne\ ngan bơh ồng K’Lộc dê geh lơh rềp kềng tơn gùng lòt tàm thôn pa geh lơh mờ bê tông sàng goh niam bơne\ ngan tàm [òn Bu Rá, xã Đồng Nai Thượng. Ồng K’Lộc pà gi\t, [òn Bu Rá ngai do tam gơl jơh ală bơta là kơnờm bơh pơgồp bal geh cồng nha priă bơcri bơh Dà lơgar dê bal mờ broă pà ù, tă pơgồp ngai lơh broă, tă pơgồp bal priă jền, phan bơna bơh làng bol dê. Ồng K’Lộc, chờ hờp đơs bè do: Dilah ù bơh hìu bơnhă lơi dê mờ gơtìp tàm bă ù nàng lơh gùng den làng bol kung jơh nùs sơl pà ù. Dà lơgar lơh gùng nàng dong làng bol bơtàu tơnguh lơh sa, [òn lơgar bơh xã dê.

Bal mờ ală gùng che đèng, gùng lòt, hìu bơsram, hìu sơnơm geh sền gròi ai priă jền lơh, làng bol kung jơh nùs tam gơl chi tam, phan ròng, đòm jăt bơta jak chài pa tàm broă lơh sa. Kơnờm bè hơ\ mờ uă hìu bơnhă làng bol neh sơrlèt gan brồ guh klàs bơh r[ah, lơh pas tàm [òn lơgar tờm he dê.

                                 Dùl êt kơnhoàl ù tiah rài kis tàm xã Đồng Nai Thượng tu\ do

Mò Điểu Thị Prợt, Phó Chủ tịch UBND xã Đồng Nai Thượng yal, bơh dì rài kis ờ tơl piang sàu, àu soh, lơh sa bơngơl gơlan ngan, tus tu\ do kơnờm lơh jăt niam uă broă bơcri priă bơh Dà lơgar dê, xã Đồng Nai Thưọng neh geh ală bơta gơ tam gơl loh làng ngan. Ală dòr kòi mìr rài yau tu\ do neh geh ala mờ ală tờm chi tam lơh geh cồng nha lơh sa uă. Tu\ do, jơh gùt xã, geh rlau 1 rbô lồ ù tam điều, kau su, kơphê mờ tờm chi sa plai pah nam lơh geh priă jền ai ală hìu bơnhă làng bol in gi\t nđờ rhiang tơlak priă.

Mò Điểu Thị Prợt, Phó Chủ tịch UBND xã Đồng Nai Thượng, đơs: Jơh ală broă lơh mblàng yal hòi jà jăt gùng dà broă lơh bơh Đảng, kơrnoat boh lam Dà lơgar dê ndrờm geh làng bol sền gròi mờ dùl nùs bal. Bơh lơh sa làm bă tiah ờ kơ\ kơl jăp, lơh sa r[ah lơ ời, tu\ do, làng bol neh gi\t đòm jăt bơta jak chài tàm broă tam phan, ròng phan.

 Bal mờ ală bơta bơtàu tơnguh bè lơh sa mờ muh mat [òn lơgar niam bơne\, tam gơl pa, bơta gi\t wa\ bè ală broă mpồl bơtiàn bơh làng bol tàm ală thôn, [òn dê tàm Đồng Nai Thượng kung geh pờ àng sơl. Ală jơnau ờ niam bè bau gờ`, bau mờ cau rềp jơi nòi bal geh sùm bơh uă rài do, tu\ do neh ờ gam tai. Bi Điểu Thị Réo ơm tàm [òn Bù Gia Rá pà gi\t, lài do cau ùr tàm [òn tu\ deh den kơnờm jơh lơm tàm ùr đơng deh, tu\ kòp tê jê să den lòt jôh mờ cau bơjơu, cau gru. Mơya, tu\ do cau lơi kung dòn kơnờm lơm tàm cau lơh sơnơm mờ lòt kham kòp tàm hìu sơnơm xã.

Bi Điểu Thị Réo, đơs bè do: Kòp tê jê să làng bol ờ go\ di bè rài yau tai ơm tàm hìu hòi jà bơjơu cau gru nàng triang nàng sơm, pin dờn bu ba ngan. Tu\ do, làng bol gơtìp kòp jê halà deh oh deh kòn ndrờm lòt tàm hìu sơnơm lơm.

                       Làng bol xã Đồng Nai Thượng bal mờ gơ\p bơyô gùng dà lơh sa bơtàu tơnguh

Ồng Điểu K’Giắc Bí thư Đảng ủy xã Đồng Nai Thượng chờ hờp đơs, rài kis làng bol dê ngai sơlơ tam gơl uă ngan. Dilah bè tàm nam 2010 jơh dùl xã geh rlau 50% hìu bơnhă r[ah den tu\ do jơh gùt xã geh 417 hìu bơnhă bal mờ rlau 1.900 nă cau, den mìng gam 17 hìu r[ah, priă lơh geh kờp bal dùl nă cau tàm dùl nam geh rlau 40 tơlak. Xã neh lơh geh jơh 19 broă bơ\t bơtàu [òn lơgar pa mờ lồi nam do geh dờp sră jờng rơ xã tơl khà [òn lơgar pa.

Ồng Điểu K’Giắc, Bí thư Đảng ủy xã Đồng Nai Thượng, đơs: Xã pa crơng gơs, jơh ală broă bơ\t bơtàu ală broă lơh gơrềng tus rơndăp ù tiah, tơm priă ai ù uă ngan. Bơta pal chờ hờp là kuang bàng, đảng viên sùm lam lài pà ù lơh ală broă kuơ bal. Jăt tàm jơnau kuang bàng, đảng viên lam lài, lơh krơh bè hơ\, den làng bol dùl nùs ngan bal den tàng broă mblàng yal là geh cồng nha ngan.

Tus mờ Đồng Nai Thượng tàm ală ngai do sền go\ bơta tam gơl bơh kơnhoàl ù tiah rài yau gơtìp bol sò tơm sơgràm phà, tiah bơta tam lơh dờng cui rơcai ngan, cau lơi kung sền go\ gơlơh chờ hờp bal mờ làng bol tiah do.

Cau mblàng Lơ Mu K’Yến