VOV4.K’ho - Ngai 16/3 pa do, càr Kon Tum tơngkah 45 nam ngai tơngklàs. Tàm sùm 45 nam do, Đảng bộ, gơnoar atbồ mờ làng bol càr Kon Tum neh tơnguh nùs nhơm tam klac bal, dùl nùs bal, pơgồp bal bơta pràn bơt bơtàu [òn tờm ngai sơlơ hờm ram, bơtàu tơnguh. Tàm ù tiah Sa Thầy, là tiah mờ tàm dơ\ tam lơh dră wơl bol sò tơm Mỹ, tơl dòr bơnơm, tơl hìong dà dờng tàm do ndrờm geh tềl kah yau bơh ală pha lin khin cha jak chài neh tam gơl pa.  

 Nam lơi kung bè hơ\ lơm, ală ngai nhai 3 kah yau, cau ling yau Nguyễn Ngọc Hưng, ơm tàm thôn 4, thị trấn Sa Thầy, kơnhòal Sa Thầy lời 1 ngai nàng lòt còp wơl ală tiah tàm rài tam lơh neh geh tu\ là tiah tam lơh cui rơcai ngan. Tàm sơnam 71, ồng Nguyễn Ngọc Hưng gam pràn mờ ngac ngar ngan. Mờ rơndeh ma\i ồng dê, mìng tàm [ùi drim gời, ồng neh lòt dùl dar bơh tiah jơnhua 995 Chư Tan Kra, lòt gan [làng rơndeh par ing Kleng, hơ\ sồng lòt tus tiah jơnhua 1015 (Charlie) mờ 1049 (Delta). Do là ală tiah tềl kah yau, cih kah ală dơ\ tam lơh khin cha jak chài bơh ling klàng mờ làng bol he dê tàm rài tam lơh dră wơl bol sò tơm Mỹ tàm ù tiah Sa Thầy.

Ồng Nguyễn Ngọc Hưng pà git, pah nhai, hìu bơnhă ồng lơh geh pơgap 45 tơlak đông bơh broă còr bơsơt 10 lồ kau su. Broă lơh sa hìu bơnhă jơngkah jơngka` đau, lòt là nàng kờ` còp wơl ală cau ling bal he dê neh phi să tàm tiah tam lơh mờ kung là nàng pơn iờ să bè ală tam gơl pa bơh ù tiah tam lơh rài yau dê: “Tơnơ\ tam lơh tus tu\ do den neh tam gơl krơi ngan. Lài do gùng lòt ờ geh, tu\ do den gùng lòt ờ krơi bè gùng lòt tàm [òn dờng. Rài kis làng bol dê niam ngan, ngan là bơh nam 2001. 3, 4 nam do sơlơ tam gơl ua\ rlau, muh mat kơnhòal dê kung ờ krơi bè tiah ring. Rài kis làng bol dê kơ\ kơljap rlau den tàng chờ hờp rlau. Cau lơh broă tus tu\ do den đơs là Sa Thầy niam ngan”.

Thị trấn Sa Thầy tu\ do

Bơh dùl tiah kal ke rềp mờ lơgar Campuchia bal mờ rlau 42 rbô nă làng bol, tàm hơ\ làng bol kòn cau geh rlau 57%, kơnhòal Sa Thầy geh 11 xã den geh tus 7 xã gơwèt xã ua\ kal ke, broă lơh sa ndrờm bè mìng kơnờm tàm lơh suơn sre. Ală nam rềp ndo, kơnờm ngui niam ală bơta pràn, kơnhòal Sa Thầy neh geh bơta tam gơl pràn ngan. Tus lồi nam 2019, pria\ lơh geh kờp bal tàm dùl nă cau bơh kơnhòal dê neh geh mờr 38 tơlak đông, khà hìu bơnhă r[ah gơmù gam hơ đơm 14%. Kơnhòal neh geh 2 xã là Sa Sơn mờ Sa Nhơn tơl khà [òn lơgar pa. Thị trấn Sa Thầy dềt rơ hền ngai lơi, tàm rài tam lơh geh [làng rơndeh par ing Kleng, là tiah tam lơh cui rơcai ngan đah bol sò tơm mờ ling he dê den tu\ do neh cèng muh mat tiah drà bal mờ 11 rbô nă làng bol.

Ồng Bùi Quốc Tưởng, Chủ tịch UBND thị trấn Sa Thầy pà git: “Broă tam gơl pa bơh thị trấn de tàm tơngai lài sền go\ loh làng ngan. Bơh phan bơna tus broă lơh niam chài ndrờm geh tă pria\ lơh ring bal lơm. Nàng gơtùi geh ală cồng nha bè do den lài ngan pal đơs là bơta dùl nùs bal lơh jat bơh làng bol dê tàm broă lơh jat gùng dà broă lơh bơh kơnhòal, bơh càr dê tàm broă lơh niam tiah drà, rề ơnàng ală [òn làng bol ơm kis. Tàm 2 nam, 2018 mờ 2019, neh tă rlau 200 tơmàn đông ai broă lơh gùng lòt bal mờ 2, 3 broă lơh dờng drơng mpồl bơtìan in bè tiah tờm tàp pràn să jan niam chài, [làng coh plai, anih kah kơlôi tàm [làng tơp [ồc hơ\ sồng drà, [làng rơndeh ơm”.

Gùng mut tus thị trấn Sa Thầy

Tus tu\ do, kơnhòal Sa Thầy kung neh jơh bơta kòl yan. Gùng lòt kơnhòal dê tơrbo\ bal mờ gùng rơndeh 14C lòt jat kềng gah gùng nhàr dà lơgar mờ lơgar Campuchia, tus kơnhòal Ngọc Hồi  halà mù tus kơnhòal Ia H’Drai ndrờm niam lơm tàm jơh bal kàl mìu mờ kàl prang. Geh gùng lòt, geh ồs đèng, geh kă bro neh chul chồl lơh sa suơn sre bơtàu tơnguh. Sa Thầy tu\ do neh là tiah lơh sa suơn sre dờng bơh càr Kon Tum dê bal mờ rlau 7 rbô lồ bùm blàng, 12 rbô lồ kau su.

Bơtàu tơnguh lơh sa gơ jat bal mờ lơh gơlik, tơnguh bơta kuơ lơh geh phan bơh suơn sre dê in, tu\ do tàm kơnhòal neh geh 2 hìu ma\i lơh [òk bùm blàng mờ 3 hìu ma\i lơh bơ sơt kau su, dong gàr niam broă blơi phan lơh gơs bơh suơn sre ai làng bol lơh broă sa in.

Cih kah tam lơh pha lin Kleng

Ồng Nguyễn Ngọc Sâm, Bí thư Huyện ủy Sa Thầy yal bè gùng dà bơtàu tơnguh bơh kơnhòal dê tàm ală nam tus bè do: “Gơ wèt mờ gah lơh sa suơn sre, tơr gùm tàm broă gàr sùm bă ù tam kau su. Gàr kơ\ kơljap bă ù tam bùm blàng nàng tac bùm blàng ai hìu ma\i in. Chồl pràn bơtàu tơnguh lơh sa suơn sre ngui công nghệ cao. Ròng mờ lơh gơlik dà toh kơn rồ tàm kơnhòal. Bè brê, chồl pràn broă lơh tam brê glòm tơlir ù gời. Bè tiah drà, lơh ngan tàm tơngai tus, tă pria\ bơt bơtàu phan bơna jat tơngume geh ki\ ring bal. Pal gơ hòi gơ jà ală bơnah pria\ bơcri bơdìh mờ kes pria\”.  

Bơh ù tiah tam lơh bềng [ồm mền, sơ nơm khih hóa học, 45 nam tơnơ\ tam lơh, tàm nggùl kàl prang duh tàm [làng re ù tiah Sa Thầy dê kung gam pràn ngan bơh kis tài bơh dà tơlir chi sa plai dê. Đảng bộ, gơnoar atbồ, ling klàng , làng bol tàm kơnhòal gam lơh ngan cih tai ală jơnau đơs crih pha lin tàm broă lơh sa mờ bơt bơtàu [òn tờm ngai sơlơ pas sơm, niam bơne\.

Cau mblàng K’Duẩn