VOV4.K’ho – Jơnau yal tàm pơrjum dơ\ 43 bơh Ủy ban Thường vụ Quốc hội dê drim ngai 23/3, Phó Thủ tướng Chính phủ, ồng Vũ Đức Đam đơs nền, tus tu\ do, Việt Nam gam sền gròi niam kòp bơ tờp Covid-19. Phó Thủ tướng, ồng Vũ Đức Đam đơs lơh loh, broă gơlik geh tu\ do geh ua\ bơta pa, krơi mờ tơngai bơh sơn rờp, pal geh sền ngac nàng geh broă lơh mùl màl dipal.

Bơdìh mờ ală broă lơh neh lơh tàm tơngai lài do, Phó Thủ tướng đơs nền, pal sơlơ tơnguh, sền gròi ua\ rlau tai ală mpồl broă lơh là: Sơlơ tơnguh bơta pơ gồp bal đah ală gah broă lơh, ală kấp; ngui công nghệ thông tin; pràn jak xét nghiệm, hòi jà bơta tus bal bơh làng bol dê nàng tơmù tơngai kuơmàng kờ` git go\ cau digơlan bơ tờp kòp bơh tu\ mut tàm lơgar he, tàm anih tam cah is mờ tàm mpồl bơtìan.

Tềng đap bơta đơng lam bơh Đảng dê, bơta lơh bal bơh jơh gùt mpồl chính trị dê, bơta tus bal bơh làng bol dê, Phó Thủ tướng đơs sùm: bol he geh bơnàng jă nàng pin dờn là geh sền gròi niam kòp bơ tờp, ờ lời kòp bơ tờp ua\, tơrmù tus khà lơyah ngan rlau jơh khà cau chơt să.

Cau mblàng K’Duẩn