VOV4.K’ho – Mho ngai 08/4, tàm hìu lơh broă Chính phủ, Thủ tướng Nguyễn Xuân Phúc neh đơng lam dơ\ pơrjum rơcang pơrjum pờ tơlik tơn tàm internet đah Chính phủ mờ ală tiah nàng tă bơsong kal ke bè lơh sa kă bro, chồl pràn broă tă pria\ bơcri dà lơgar, bơsong broă gàr tơl niam rài kis mpồl bơtìan, sơlơ sền gàr lơngap lơngai mờ ờ do ờ dă mpồl bơtìan. Kờp du\ pơrjum geh lơh tàm ngai dơ\ 6 poh do.

Đơs tàm dơ\ pơrjum, Thủ tướng Nguyễn Xuân Phúc pà git, tàm pơrjum do, Thủ tướng sồr Bộ Lao động – Thuơng binh mờ Xã hội yal bè bơnah broă gàr tơl niam rài kis mpồl bơtìan, Bộ Kuang àng geh jơnau yal bè ală broă rơndap lơh sền gàr lơngap lơngai, ờ do ờ dă mpồl bơtìan. Bộ Kế hoạch mờ Đầu tư geh jơnau yal bè ală kal ke gơ wèt tus mờ broă lơh sa kă bro, sền sơ wì broă lơh jat ngan ngồn Jơnau sồr sồ 11 bơh Thủ tướng Chính phủ dê, sền sơ wì broă tă pria\ bơcri dà lơgar. Bộ Tài chính geh jơnau yal bè bơnah pria\ dong kờl rài lơh sa. Ngân hàng dà lơgar geh jơnau yal bè bơnah broă dong kờl bè broă lơh pria\ jền.

Cau mblàng K’Duẩn