VOV4.K’ho- Lơh jat broă lơh broă lam lơh 3 gah broă tam gơl sơrbac mhar bơtàu tơnguh lơh sa- mpồl bơtiàn nam 2019 bơh càr Kon Tum dê, kơnhoàl Sa Thầy neh sền dờng màng đòm jat ngui măy mok jak chài tàm broă lơh sa, ngui niam ngan bơta pràn, bơta geh bơh tiah he dê nàng kờ` lơh tam gơl pràn kơldang tàm lơh broă sa sươn sre.

Bè Sa Thầy tơrgùm gàr sùm 12 rbô lồ kau su, ai priă jền sùm, lơh geh priă jền sùm, dong làng bol klàs r[ah. Mờ kơnhoàl kung hòi jà bơtàu tơnguh tờm kơphê sơntìl pa cồng nha uă; digơlan tus nam 2020, jơh gùt kơnhoàl Sa Thầy geh pơgăp 3 rbô lồ kơphê tam pa mờ sơntìl pa. Tàm uă tiah, làng bol gam lơh pràn bơtàu tơnguh ală tờm chi sa plai, mìng tam tàm bơrlu\ bal tàm sươn kơphê, bè pơnăt Thái, sầu riêng, bơ…

Kơnhoàl Sa Thầy kung sền dờng màng pơlam gùng, dong ală hợp tác xã, làng bol bơcri priă, ngui măy mok jak chài pa rài do dê tàm broă lơh sa; jơh nùs lơh jat bơ\t bơtàu ală anih lơh bal kă bro phan lơh geh bơh sươn sre…

Cau mblàng Lơ Mu K’Yến