VOV4.K’ho- Mho ngai 10/1, Ủy ban Thường vụ Quốc hội sền swì, lơh nền broă rơndăp tăp sèng ală anih lơh broă sră nggal dà lơgar kấp xã, kấp kơnhoàl tàm bàr pe càr, [òn dờng gơ wèt dà lơgar.

Tàm dơ\ pơrjum, Ủy ban Thường vụ Quốc hội cribơyai broă sền swì, lơh nền broă rơndăp tăp sèng anih lơh broă sră nggal dà lơgar kấp xã, kấp kơnhoàl tàm tơngai bơh nam 2019- 2021, mờ crơng gơs bàr pe anih lơh broă sră nggal dà lơgar tiah drà bơh 18 càr, [òn dờng, là: Bình Dương, Cao Bằng, Gia Lai, Hậu Giang, Tiền Giang, Tây Ninh, Quảng Ngãi, Yên Bái, Bắc Kạn, Bến Tre, Hải Phòng, Nam Định, Ninh Bình, Quảng Nam, Quảng Bình, Vĩnh Long, Vĩnh Phúc.

Ồng Uông Chu Lưu Phó Chủ tịch Quốc hội đơs nền, do là gùng dà dờng bơh Đảng, Dà lơgar dê bè broă rơndăp tăp sèng ală anih lơh broă sră nggal dà lơgar ờ hềt tơl khà jăt jơnau sồr bơh kơrnoat boh lam dê. Tu\ do, neh lơh rơndăp tăp sèng geh 18 càr, [òn dờng, gam wơl 6 càr, [òn dờng tai, sồr Chính phủ pơn jăt tai đơng lam nàng jyal tàm dơ\ pơrjum 42 Ủy ban Thường vụ Quốc hội dê tàm nhai 2 tus nàng lơh rơndăp tăp sèng jơh ală anih lơh broă sră nggal dà lơgar tơngai bơh nam 2019- 2021. Kung tàm mho ngai 10/1 sơl, dơ\ pơrjum bơh Ủy ban Thường vụ Quốc hội dê neh tơn jơh.

Cau mblàng Lơ Mu K’Yến