VOV4.K’ho- Mho ngai 24/2, ồng Trần Quốc Vượng, Ủy viên Bộ Chính trị, Thường trực Ban Bí thư neh geh dơ\ wa\ rò ồng Takebe Tsutomu, Kuang pơlam broă dờng màng Mpồl tam klăc bal Nghị sĩ lơh bơyô bal Nhờk mờ Việt Nam.

Tàm dơ\ wa\ rò, ồng Trần Quốc Vượng đơs nền: Đảng mờ Dà lơgar Việt Nam sùm sền: Nhờk là cau lơh broă bal kuơmàng khà dùl mờ jo\ jòng bơh Việt Nam dê; kơ\p kờ` ồng Takebe mờ Mpồl tam klăc bal Nghị sĩ lơh bơyô bal Việt Nam mờ Nhờk geh tă pơgồp geh kuơ mờ cồng nha ngan ngồn mờ uă rlau tai tàm ală gah broă lơh broă bal đah 2 lơgar, bè: bơtàu tơnguh mpồl cau lơh broă, dong kờl Việt Nam bơtàu tơnguh ală gah lơh năng lượng, măy mok dong kờl ala, rơndeh rơndồ lơh mòn, công nghệ cao; sơlơ lơh broă bal bè lơh broă sa sươn sre, lơh broă, nhơl chờ, lơh pràn tìp măt lơh quèng đah làng bol, lơh broă bal đah ală tiah.

Ồng Takebe Tsutomu yal bè ală bơta bơtàu tơnguh tàm rơndăp broă lơh bơ\t bơtàu hìu bơsram Đại học Việt- Nhật, rcăng sac rwah cau bơsram dờng khoá sơnrờp tàm nhai 9 nam do; ồng đơs nền geh lơh ngan tă pơgồp ai bơtàu tơnguh gi\t gơ\p 2 lơgar in tàm tơngai tus.

Cau mblàng Lơ Mu K’Yến