VOV4.K’ho – Bộ Nông nghiệp mờ Phát triển Nông thôn pa tơlik Chỉ thị bè broă sơlơ tơnguh ală broă lơh jal mhar rơcang sơndră mờ crùh ồs sa brê. Jat hơ\, sồr ală bộ, gah broă lơh mờ ală tiah geh brê kờp sền nền nòn broă rơndap lơh rơcang sơndră mờ crùh ồs sa brê; lùp sền ngan ngồn ală tiah kuơmàng digơlan gơlik geh ồs sa brê ua\ nàng ai cau lơh broă tus, kơryan mờ bơsong di tu\ ală bơta pa gơlik geh, ờ lời gơlik geh ồs sa brê.

Ai cau lơh broă, phan bơna, ma\i mok tus tàm tiah digơlan gơlik geh ồs sa mờ ồs sa dờng. Gàr tơl cau lơh broă ơm gak ngai mang, ai cau lơh broă sền gròi nền nòn cau mut tàm ală tiah brê digơlan gơlik geh ồs sa ua\, ơm ing ală broă lơh wàs, chu nhơt ru\ rơm mờ ồs tàm jơh tơngai gơlik geh ồs sa ua\. Mơkung sơlơ sồr ală kuang bàng kiểm lâm tus ală tiah [uơn gơlik geh ồs sa brê nàng cribơyai mờ kấp ủy, gơnoar atbồ tàm [òn lơgar bè broă lơh jat broă lơh rơcang sơndră mờ crùh ồs sa brê….

Cau mblàng K’Duẩn