VOV4.K’ho – Tàm Hà Nội, Bộ Kế hoạch mờ Đầu tư lơgar Việt Nam mờ lơgar Lào neh geh dơ\ tìp mat cribơyai broă nàng kờ` rơcang lài tơngume yal Bộ Chính trị 2 lơgar in tàm dơ\ tìp mat dờng màng pah nam đah Việt Nam mờ Lào nam 2020; cribơyai ală tơngume gơ rềng tus bơyai lơh pơrjum dơ\ 42 bơh Ủy ban 2 Chính phủ bè lơh broă bal đah 2  lơgar mờ cribơyai tai bè lơh broă bal đah 2 Bộ tàm tơngai lài mờ chồl pràn lơh broă bal bơcri pria\ tàm nam tus.

Đơs tàm dơ\ tìp mat cribơyai broă, ồng Nguyễn Chí Dũng, Bộ trưởng Bộ Kế hoạch mờ Đầu tư lơgar Việt Nam đơs ngan: 2 Bộ mờ Ủy bal lơh broă bal 2 lơgar pal pơn jat tai tơnguh broă cribơyai bal, dờp git, tơr gùm jơh ală bơta gơlik geh, pơgồp bal mờ ală Bộ, mpồl lơh broă, gah broă lơh geh gơ rềng bơh 2 lơgar dê nàng cih jơnau yal, yal mờ Bộ Chính trị in, mơkung lơh gơs ală tơngume, sră nggal adat boh lam 2 sră nggal dơ\ pơrjum dê nàng ki\; sơlơ lam lơh geh cồng nha ală rơndap broă lơh bơcri pria\ đah 2 lơgar jat broă rơndap lơh nam 2020, gờm chờ pơrjum Đảng gùt lơgar bơh 2 lơgar dê, ndrờm geh lơh tàm bồ nam 2021.

Cau mblàng K’Duẩn