VOV4.K’ho – Drim òr (12/8), tàm hìu Quốc hội, pơrjum dơ\ 36 Ủy ban Thường vụ Quốc hội dê sơn đờm mut pơrjum bơh bơta đơng lam bơh Chủ tịch Quốc hội mò Nguyễn Thị Kim Ngân.

                           Chủ tịch Quốc hội mò Nguyễn Thị Kim Ngân đos tàm dơ\ pơrjum

Tàm dơ\ pơrjum do, Ủy ban Thường vụ Quốc hội ai jơnau đơs bè 5 rơndap broă lơh adat mờ 1 rơndap cih Nghị quyết bơh Quốc hội dê; sền sơ wì rơndap cih Nghị quyết bè mblàng yal lơh loh bàr pe bơta tàm Adat rơndap ù tiah. Ủy ban Thường vụ Quốc hội gròi sền tơngume bè atbồ, ngui ală kes priă priă jền dà lơgar bơdìh kes priă dà lơgar tơngai bơh nam 2013-2018, lùp mờ hơ jơnau lùp bè lơh jat ală Nghị quyết sền gròi tơngume mờ pơn du\t bè lùp mờ hơ jơnau lùp bơh Ủy ban Thường vụ Quốc hội dê bơh bồ tơngai lơh broă tus jơh nam 2018.

Bơdìh hơ\, ai jơnau đơs bè jơnau yal cồng nha sền gròi tơngume bè rcang sơn dră crùh ồs sa tơngai bơh nam 2014-2018 nàng mpồl kuang bàng gròi sền in pơn jat tai lơh gơs ală jơnau yal nàng yal mờ Quốc hội tàm pơrjum dơ\ 8; ai jơnau đơs bè broă bơtơl kes priă dà lơgar nam 2019 gơ wèt priă lơgar ndai ai càr Hà Tĩnh mờ Quảng Bình in. Pơrjum geh lơh tàm 5 ngai, bơh ngai 12/8 tus ngai 16/8.

Cau mblàng K’ Hạnh