VOV4.K’ho- Di dơ\ sa tềp Trung thu 2019, Tổng Bí thư, Chủ tịch lơgar ồng Nguyễn Phú Trọng neh geh sră pơyoa tus mờ ală sau, kơnòm pa tàu, kơnòm dềt Việt Nam tàm lơgar, ală sau tàm mpồl bơtìan làng bol Việt Nam ơm tàm lơgar ndai mờ ală sau là làng bol lơgar ndai ơm tàm Việt Nam.

Tàm sră pơyoa, Tổng bí thư, Chủ tịch lơgar pơyoa jơnau chờ gờm niam ngan rlau jơh tus mờ ală sau, kơnòm pa tàu, kơnòm dềt di dơ\ sa tềp Trung thu, tơngo\ bơta kơ\p kờ` ală sau kơnòm pa tàu pơn jat tai lơh jat niam 5 bơta Bác Hồ bơto, ki ngàm, kờ` gơboh mè bèp, ồng mò, ki ngàm cau pơgru, tam klăc bal, dong kờl bal ală gơ\p bơyô geh rài kis kal ke, tryiang tryồng bơsram sră mờ pơlam tàp nùs nhơm, tàp pràn bơta chài nàng tơnơ\ do gơ gơs là cau tờm bơt bơtàu dà lơgar ngai sơlơ pas, niam, jak chài.

Tổng bí thư đơs ngan, nam do, Việt Nam mờ ală lơgar tàm dunia bơyai lơh bal tơngkah 30 nam Công ước của Liên hợp quốc bè kơrnoat kơnòm dềt. Đảng, dà lơgar mờ mpồl bơtìan sùm sền gròi, dong kờl, ai tơl bơta buơn niam ngan rlau jơh nàng ală sau in geh chờ hờp, bơsram sră, tàp pràn sră jan, dờng pràn wil tơl tàm tiah ơm kis ờ do ờ dă, niam mờ lơh jat tơl  ală gơnoar bơh kơnòm dềt dê.

Cau mblàng K’ Hạnh