VOV4.K’ho- Rơndăp cih Sră nggal Pơrjum dờng dơ\ 13 bơh Đảng dê gam geh jun tus Pơrjum dờng Đảng bộ kấp hơđơm in tă pơgồp jơnau đơs. Broă iăt kơno ală jơnau đơs tă pơgồp tàm sră rơndăp cih Sră nggal kuơmàng ngan. Ngan là, tơngume tơrgùm kờp jơnau đơs tă pơgồp pal wil tơl, song dơ pă, dipal jơnau đơs cribơyai tàm pơrjum dờng đảng bộ ală kấp mờ jơnau đơs tus bal tă pơgồp bơh ală rơnàng làng bol dê. Geh bè hơ\, tơnơ\ uă dơ\ iăt kơno, lơh gơs Dà lơgar geh 1 pang sră rơndăp cih Sră nggal lơh gơs nàng jun yal mờ Pơrjum dờng cau ala măt gùt lơgar dơ\ 13 bơh Đảng dê.

Tàm dơ\ pơrjum Bộ Chính trị ai jơnau đơs lơh gơs sră rơndăp cih Sră nggal Pơrjum dờng dơ\ 13 bơh Đảng dê, geh lơh tàm gùl nhai 2 pa do, Tổng Bí thư, Chủ tịch lơgar ồng Nguyễn Phú Trọng neh tơngkah broă iăt kơno ală jơnau đơs tă pơgồp tàm sră rơndăp cih Sră nggal Pơrjum dờng dơ\ 13 bơh Đảng dê. Hơ\ là, pal geh nùs nhơm, bơta kơ\ nùs. Mờ jơnau đơs là kơ\ dơn, iăt kơno, ki ngàm jơh ală jơnau đơs tă pơgồp, kơlôi sơnơng pal nền ngan, hơ\ sồng iăt kơno uă ngan rlau jơh.

Iăt kơno ờ go\ di khăt bè lơh, pal geh nùs nhơm, bơta kơ\ dơn, geh jơnau đơs di gùng, pal sền gàr gơtùi jơnau đơs di. A` sồr hòi ing jơnau đơs: kơ\ dơn iăt kơno, ki ngàm jơh ală jơnau đơs tă pơgồp, kơlôi sơnơng pal nền nòn ngan hơ\ sồng iăt kơno uă ngan rlau jơh. Kơlôi sơnơng pal nền nòn ngan. Ờ go\ [ươn, ờ go\ di khăt bè lơh bè jơh bal bàr gah, ờ iăt kơno tìs, mơya đơs bơta lơi kung iăt kơno tơn kung là tìs sơl. Bơta kơ\ nùs bơh cau sền swì dê, ngan là Sră nggal Đảng, sră nggal lời wơl rbô rài tơnơ\ in.

Lơh jăt Jơnau Bơto pơlam sồ 60 bơh Văn phòng Dà lơgar dê bè “Tơrgùm kờp jơnau đơs tă pơgồp tàm sră rơndăp cih Sră nggal Pơrjum dờng cau ala măt gùt lơgar dơ\ 13 bơh Đảng dê”, tàm jơh ală Đảng bộ kấp hơđơm pa bơyai lơh pơrjum dờng, neh bơyai lơh ai jơnau đơs tă pơgồp tàm 4 pang sră rơndăp cih jơnau yal kuơmàng. Hơ\ là, Sră rơndră cih Jơnau yal chính trị; Sră rơndăp cih Jơnau yal tơn jơh broă lơh jăt Broă lơh bơtàu tơnguh lơh sa- mpồl bơtiàn 10 nam bơh nam 2011- 2020, bơ\t bơtàu Broă lơh bơtàu tơnguh lơh sa- mpồl bơtiàn 10 nam bơh nam 2021- 2030; Sră rơndăp cih Jơnau yal sền swì cồng nha lơh jăt kơnòl broă bơtàu tơnguh lơh sa- mpồl bơtiàn 5 nam bơh nam 2016- 2020 mờ gùng dà, kơnòl broă bơtàu tơnguh lơh sa- mpồl bơtiàn 5 nam bơh nam 2021- 2025 mờ Sră rơndăp cih Jơnau yal tơn jơh broă lơh bơ\t bơtàu Đảng mờ lơh jăt Adat bơhiàn Đảng tơngai lơh broă Pơrjum dờng dơ\ 12.

Ồng Võ Hồng Hải, Kuang ătbồ Ban Tuyên giáo Tỉnh ủy Hà Tĩnh, pà gi\t: Jăt bơta bơto pơlam bal bơh Ban Bí thư dê, Ban Thường vụ Hà Tĩnh jàu ai Ban Tuyên giáo in bơto pơlam loh làng tàm broă bơyai lơh cribơyai tă pơgồp jơnau đơs dùl bă làm uă ngan rlau jơh, ai geh uă ngan jơnau đơs tă pơgồp den sơlơ niam. Kuơmàng, pleh broă tă pơgồp jơnau đơs dùl bă bal bal lơm, ờ go\ loh làng. Mờ là tă pơgồp jơnau đơs loh làng tàm tơl broă, tơl kơnòl broă, gùng dà broă lơh mờ tă pơgồp jơnau đơs tàm jơh ală tơngume bơh jơh ală tơngume bơh ală sră nggal rơndăp cih dê pơyua tus dan jơnau đơs tă pơgồp bơh kuang bàng, đảng viên dê.

Broă tơrgùm kờp ală jơnau đơs tă pơgồp jơnau đơs tàm ală rơndăp cih sră nggal nàng kờ` bơtòm tơrgùm jơh bồ tơngoh jak bơh kuang bàng, đảng viên mờ ală rơnàng làng bol dê tus bal lơh nền ală broă dờng màng bơh Đảng mờ Dà lơgar dê. Do gam là nàng kờ` lơh niam nùs nhơm làng bol lơh tờm tàm Đảng mờ jơh gùt mpồl bơtiàn dê, lơh geh bơta ring bal bè nùs nhơm bồ tơngoh mờ broă lơh tàm jơh gùt Đảng, gùt làng bol; mơkung dong kờl ală kấp ủy gi\t geh jơnau kơlôi sơnơng, bơta kơ\p kờ` bơh ală rơnàng làng bol dê, kuang bàng mờ đảng viên dê nàng bơtơl, bơtàu tơnguh gùng dà, jơnau sồr bơh Đảng dê, gùng dà broă lơh mờ kơrnoat boh lam bơh Dà lơgar dê. Uă kuang bàng, đảng viên gơn kơnờm:

Tàm ală sră nggal  pơrjum dờng dơ\ 13 bơh Đảng dê neh đơs uă tus broă tam dră sa kuề sa kùa, gơ jăt bal mờ hơ\ là tam dră jơnau ờ niam tàm mpồl bơtiàn. Bal mờ hơ\, sền dờng màng bơtàu tơnguh lơh sa mờ bơtàu tơnguh jơh ală bơta tàm gah broă lơh tàm mpồl bơtiàn.

Pơrjum dờng Đảng gùt lơgar, gơ wèt mờ broă lơh lơh niam wơl Đảng, kơ\p kờ` mpồl kuang bàng bơh he dê sơlơ sàng goh, geh bơngă pin dờn mờ làng bol nàng lơh niam broă đơng lam. Bơh hơ\, làng bol sơlơ pin dờn Đảng uă rlau mờ lơh gơs kơnòl broă bơh dà lơgar dê jàu kơnòl.

Pơrjum dờng Đảng ală kấp tơngai lơh broă bơh nam 2015- 2025 wèt tus Pơrjum dờng cau ala măt gùt lơgar dơ\ 13 bơh Đảng dê gam geh lơh. Do là dơ\ pơrjum chính trị jrô ơnàng làm uă, là dơ\ dờp uă jơnau đơs tă pơgồp jơh nùs jơh tồr, geh bơta bơ\t bơtàu bal, geh kơnòl bal mờ bồ tơngoh jak tàm ală sră nggal bơh Pơrjum dờng Đảng dê- lơh nền tus bơta bơtàu tơnguh bơh dà lơgar dê tàm tu\ tơngai tus. Bơta hơ\ kung gơ sồr ală sră nggal pal sền song tơn tàm bơta geh ngan, đơs di bơta geh ngan nàng gi\t ală gùng dà, broă lơh gơcèng bơta tam gơl mhar. Giáo sư, Tiến sĩ Phùng Hữu Phú, Phó Kuang ătbồ duh broă sùm Hội đồng Lý luận dà lơgar, phó kuang ătbồ duh broă sùm Mpồl sền swì sră nggal Pơrjum dờng dơ\ 13, đơs sùm: Tơngume tơrgùm kờp jơh ală jơnau đơs tă pơgồp pal lơh geh bơta wil tơl, song dơ pă, dipal jơnau đơs cribơyai tàm Pơrjum dờng Đảng bộ ală kấp mờ jơnau đơs tă pơgồp bal bơh ală rơnàng làng bol dê. Ồng Phùng Hữu Phú, Giáo sư, Tiến sĩ, đơs bè do: Lơh bè lơi tàm ală tu\ kơlôi sơnơng, tă pơgồp jơnau đơs tàm sră nggal pơrjum dờng dê pal tơrgùm tàm broă jòi gơlik bơta pa, đơs tă pơgồp jơnau đơs tàm bơta pa sền neh di sơl halà ờ hềt, dipal mờ bol he halà ờ hềt, pal lơh bè lơi gơ in niam ngan rlau jơh. Dilah jăt tàm gùng dà hơ\ den là neh cèng is tàm să he bơta kơ\p kờ` ngan lơh bè lơi ai Việt Nam in bơtàu tơnguh. Bè tàm bơta lồi du\t bơh sră rơndăp cih sră nggal geh mpờl go\ jơnau đơs pal cèng bơta kơ\p kờ` ngan bè dùl dà lơgar Việt Nam pas sơm bơtàu tơnguh. Den tàng bè hơ\, cribơyai nàng lơh kơ\ kơl jăp tai bơta pin dờn mờ ròng gàr bơta kơ\p kờ` ngan bơtàu tơnguh.

“Sră nggal là sră nggal cih jơnau kah yau, gam lời wơl ai rài tơnơ\ in”, ồng Nguyễn Phú Trọng Tổng Bí thư, Chủ tịch lơgar neh đơs sùm bè hơ\ tàm dơ\ pơrjum Bộ Chính trị ai jơnau đơs lơh gơs sră rơndăp cih Sră nggal Pơrjum dờng dơ\ 13 bơh Đảng dê. Broă iăt kơno pal di mờ bơta geh ngan, gơtùi iăt, di bơta pal jăt, di bơta kơ\ nùs, jơh kơnòl mờ pal sền gàr tus geh jơnau đơs tă pơgồp di. Geh bè hơ\, tơnơ\ uă dơ\ iăt kơno, lơh gơs Dà lơgar geh 1 pang sră rơndăp cih Sră nggal lơh gơs niam nàng yal tàm Pơrjum dờng cau ala măt gùt lơgar dơ\ 13 bơh Đảng dê in.

Cau cih Lại Hoa- Cau mblàng Lơ Mu K’Yến