VOV4.K’ho – Di tơngkah 70 nam ngai crơng gơs git gơp lơh broă bal đah Việt Nam mờ Nga (ngai 30/1), Tổng Bí thư, Chủ tịch lơgar, ồng Nguyễn Phú Trọng, Thủ tướng Chính phủ, ồng Nguyễn Xuân Phúc mờ Chủ tịch Quốc hội, mò Nguyễn Thị Kim Ngân neh pơyua sră gờm chờ mờ Kuang atbồ lơgar Nga, ồng Vladimir Putin, Thủ tướng lơgar Nga, ồng Mishustin, Chủ tịch Hội đồng Liên bang Quốc hội Nga, ồng Matviyenko, Chủ tịch Duma dà lơgar Quốc hội Nga, ồng Volodin.

Tàm sră gờm chờ bơh Tổng Bí thư, Chủ tịch lơgar, ồng Nguyễn Phú Trọng dê pơyua Kuang atbồ lơgar Nga, ồng Vladimir Putin in, geh gơl cih: “Tàm mờr 100 nam do, làng bol 2 lơgar neh sùm lòt bal, ơm rềp bal mờ gơp, bơh dơ\ tam lơh sền gàr Moscow kàl mrềt nam 1941 tus dơ\ tam lơh tơngklàs jơi bơtìan, tơr gùm dùl dà lơgar bơh làng bol Việt Nam dê, kung bè broă lơh sền gàr mờ bơtàu tơnguh dà lơgar tơnơ\ do”. Ală kuang đơng lam bồ bơh lơgar Việt Nam dê kung đơs sùm: “Tàm tơl gơl gùng bơtàu tơnguh bơh lơgar Việt Nam dê sùm geh tềl bơh git gơp lơh bơ yô ờs mờng mờ lơh broă bal tơl làm đah Việt Nam mờ Nga.

Cau mblàng K’Duẩn