VOV4.K’ho – Tàm tu\ tơngai kòp Covid-19 gơlik geh kal ke tàm gùt plai ù, ua\ gah lơh phan gam gơtìp kal ke den tac hờ lơgar ndai phe neh gơs là gah mpờl go\ niam tàm bơtàu tơnguh. Bơta kuơ lơh geh mờ khà tac phe hờ lơgar ndai 2 nhai bồ nam ndrờm gơguh ua\ pơn drờm mờ bal dùl tu\ nam lài.

 Jat khà kờp bơh sơn rờp bơh Tổng cục Hải quan dê, tac phe hờ lơgar ndai tàm 2 nhai bồ nam 2020 geh 929 rbô tấn, geh rlau 430 tơlak dolar Mỹ, gơguh 38% bè khà pria\ lơh geh pơn drờm mờ bal dùl tu\ nam 2019.

Geh tai dùl jơnau yal chờ hờp, khà pria\ tac phe hờ lơgar ndai bơh lơgar Việt Nam dê gơguh jơnhua tài jơnau kờ` ua\ ngan bơh lơgar Philippines mờ Malaysia. Khà pria\ phe lơgar Việt Nam tac hờ lơgar ndai gam pơn jat tai tơrmù khà gơ lin mờ phe lơgar Thái Lan, jơnhua rlau mờ khà pria\ tac phe bơh ală lơgar Myanmar, Ấn Độ - là ală lơgar tàm pơr lòng tơn mờ phe Việt Nam dê.

Cau mblàng K’Duẩn