VOV4.K’ho-Tàm tiah nhàr lơgar Tây Nguyên, rài kis làng bol ală kòn cau dê kung gam kal ke uă ngan sơl. Lơh bè lơi nàng dong kờl làng bol tam gơl bồ tơngoh kơlôi sơnơng, tam gơl broă lơh, ală [òn lơgar tam gơl pa bơtàu tơnguh là jơnau kơlôi sơnơng sùm bơh kấp ủy, gơnoar ătbồ tiah do dê. Dùl tàm ală broă lơh bơh sơnrờp neh lơh geh cồng nha là broă ală pôs đồng ling sền gàr tiah nhàr lơgar sơlơ ai tai kuang bàng, đảng viên tus bal pơrjum cribơyai tàm ală xã, ală [òn lơgar tàm tiah nhàr lơgar.

Ờs mờng bè ală nam do sơl, ngai dơ\ 7 bơh poh dơ\ 2 pah nhai dê, Chi bộ [òn Beng, xã Ia Chía, kơnhoàl Ia Grai, càr Gia Lai bơyai lơh pơrjum. {òn geh 7 nă đảng viên mờ tơngai rềp ndo geh bơtơl tai 1 nă đảng viên là Trung úy Ngô Văn Hữu, Kuang bàng lơh broă tàm Pôs đồng ling sền gàr tiah nhàr lơgar Ia Chía. Bol a` bơtuah ngan geh tus bal pơrjum Chi bộ [òn Beng tàm nhai do.

Dơ\ pơrjum geh lơh duh hồl ngan, ală đảng viên ndrờm geh jơnau đơs tơrgùm tàm broă lơh bè lơi nàng cồng nha pơrjum chi bộ pơn jat tai geh tơnguh uă; lơh bè lơi nàng tơnguh uă jơnau gi\t wa\, bồ tơngoh kơlôi sơnơng lơh broă lơh sa bơh làng bol tàm [òn dê. Bơh hơ\ pơgồp bơnah bơtàu tơnguh rài kis ală hìu bơnhă dê, ngan là ală hìu bơnhă r[ah.

Trung úy Ngô Văn Hữu pà gi\t, broă tus bal pơrjum cribơyai chi bộ [òn neh dong bi in iăt kơno geh jơnau kơlôi sơnơng bơta kơ\p kờ` bơh làng bol dê. Bơh hơ\, den geh ală jơnau đơs tă pơgồp ai [òn in kung bè yal mờ kấp ủy, gơnoar atbồ tiah do in dipal rlau.

Trung úy Ngô Văn Hữu đơs: Lơh jăt broă rơndăp lơh bơh kơnă hơđang dê mờ lơh ngan ai jơh bơta pràn he dê nàng tus bal pơrjum cribơyai chi bộ, jơnau kờ` là tơnguh jơnhoa cồng nha pơrjum cribơyai chi bộ mờ tàm tơrbo\ bal broă lơh sền gàr tiah nhàr lơgar mờ broă lơh lam sồr làng bol.

Bơh broă lơh pơrjum cribơyai tàm [òn den he kung să tờm tơn iăt kơno mờ gi\t geh jơnau kơlôi sơnơng bơta kơ\p kờ` bơh làng bol tàm [òn lơgar dê nàng bơh hơ\ geh broă lơh di tu\ yal mờ kấp ủy, gơnoar atbồ tiah hơ\ in, sồr anih lơh broă geh ală broă lơh dong kờl làng bol gơ in dipal rlau.

Ồng Rơ Châm Chích, là Kuang [òn mơkung là Bí thư Chi bộ [òn Beng, xã Ia Chía, kơnhoàl Ia Grai, càr Gia Lai pà gi\t, bơh tu\ geh đảng viên cau ling sền gàr tiah nhàr lơgar rê pơrjum cribơyai bal, cồng nha lơh broă bơh chi bộ dê neh geh tơnguh tai loh làng ngan. Ală đảng viên tàm [òn kung gi\t loh làng rlau bè gơnoar broă, kơnòl broă bơh he dê.

Bơh hơ\, uă đảng viên neh lơh ngan pơđơl pràn uă rlau tai tàm broă bơtàu tơnguh lơh sa- mpồl bơtiàn nàng lơh krơh ai làng bol [òn lơgar in đòm jăt. Uă hìu bơnhă bơh hơ\ neh khin cha ngan tam gơl chi tam, bơh broă mìng tam tơngời, tam bùm blàng lơm neh tam uă tờm chi tam, ròng uă phan ròng, bal mờ kơphê, điều, plai màk, tam nhơ\t ròng kơnrồ, ròng be bal mờ bơta gơn kơnờm uă ngan bè tơnguh uă priă lơh geh, bơtàu tơnguh rài kis làng bol dê.

Ồng Rơ Châm Chích, Bí thư Chi bộ [òn Beng mơkung là kuang [òn pà gi\t: Yal ală làng bol in gi\t ală gùng dà broă lơh bơh Đảng dê, kơrnoat boh lam Dà lơgar dê, hơ\ sồng gùng dà broă lơh bơta boh lam bơh tiah he dê, hơ\ sồng atbồ gùng nhàr lơgar jrong nhàr lơgar đah làng bol tàm tiah do mờ mpồl ling sền gàr tiah nhàr lơgar.

Lơh bè lơi nàng sơlơ tơnguh tai bơta tam klac bal đềt mềr đah ling klàng mờ làng bol tàm tiah nhàr lơgar do. Dơ\ 2 là broă bơtàu tơnguh lơh sa- mpồl bơtiàn nàng tơn jơh jơgloh tơrmù r[ah. Jơnau kờ` kung gam sơl là gàr kơ\ geh lơngăp lơngai chính trị, rơndăp tăp sèng ờdo ờdă jơh gùt mpồl bơtiàn tàm tiah nhàr lơgar.

Càr Gia Lai geh gùng nhàr lơgar jòng rlau 90 kơi sồ lòt gan 7 xã, 3 kơnhoàl, rềp nhàr bal mờ lơgar Campuchia gơ\p bơyô. Tàm gơl gùng nhàr lơgar bơh càr dê neh crơng gơs ală pôs đồng, trạm lơh niam jơh bal mờ 8 pôs đồng ling sền gàr tiah nhàr lơgar. Jơh ală pôs đồng ling sền gàr tiah nhàr lơgar ndrờm neh sac rwah geh kuang bàng, đảng viên jak ngan nàng ai rê tus bal lơh broă tàm Mpồl đơng lam Đảng bộ ală xã.

Mìng is tàm pôs đồng ling sền gàr tiah nhàr lơgar Ia Chía, Đại úy Đặng Minh Cường, Phó Pôs đồng ling sền gàr tiah nhàr lơgar Ia Chía pà gi\t, pôs đồng neh ai 10 nă oh mi rê ơm bal, sa bal, lơh broă bal mờ làng bol tàm 10 thôn, [òn. Do là mpồl cau tờm rềp mềl mờ làng bol, wa\ wờng ngan làng bol nàng di tu\ yal mờ kấp ủy, gơnoar atbồ tiah hơ\ in kung bè mpồl ling sền gàr tiah nhàr lơgar càr in nàng lơh jat niam ală kơnòl broă lơh sa, mpồl bơtiàn, lơngăp lơngai chính trị tàm tiah nhàr lơgar.

Đại úy Đặng Minh Cường, Phó Pôs đồng ling sền gàr tiah nhàr lơgar Ia Chía pà gi\t: Bơh tơngai pa do, den geh Đảng ủy, gơnoar atbồ [òn lơgar, kuang bàng đảng viên tàm ù tiah do đơs niam ngan broă kuang bàng, đảng viên mpồl ling sền gàr tiah nhàr lơgar ai rê tus. Tơngo\ tàm bơta là gơ wèt mờ chi bộ, kuang bàng ling sền gàr tiah nhàr lơgar geh kơnòl dong kờl chi bộ tàm broă lơh kơ\ kơl jăp, lơh sùm mờ tơnguh uă cồng nha pơrjum cribơyai.

Dơ\ 2 là dong chi bộ thôn, [òn kung bè gơnoar atbồ [òn lơgar kơ\ kơl jăp bơta pràn jak chính trị. Kung bơh pơrjum cribơyai tàm thôn, [òn den kuang bàng ling sền gàr tiah nhàr lơgar kung gi\t geh di tu\ ală broă, bơta gơlik geh tàm tiah hơ\, kung bè jơnau kơlôi sơnơng bơta kơ\p kờ`, mờ ală broă ờ niam.

Bal mờ lơh niam broă lơh sền gàr gơnoar tờm ù tiah, lơngăp lơngai, mpồl ling sền gàr tiah nhàr lơgar càr Gia Lai gam geh ală broă lơh niam, pơgồp bơnah kuơmàng tàm broă bơtàu tơnguh lơh sa, bơtàu tơnguh rài kis phan bơna mờ nùs bơh làng bol tàm tiah nhàr lơgar dê. Bơh hơ\, crơng gơs dùl mpồl sền gàr tiah nhàr lơgar jơh gùt làng bol kơ\ kơl jăp.                  

Tàm ală nam do, Mpồl ling sền gàr tiah nhàr lơgar neh lơh niam gơnoar broă là mpồl cau tờm sùm lơh kơnòl broă atbồ sền gàr gơnoar tờm ù tiah, lơngăp lơngai chính trị, rơndăp tăp sèng ờdo ờdă jơh gùt mpồl bơtiàn tàm tiah nhàr lơgar; di tu\ yal, pơgồp bal mờ kấp ủy, gơnoar atbồ ală tiah bal mờ ală mpồl lơh broă geh gơnoar geh gùng dà broă lơh dipal tàm jơh ală bơta digơlan gơlik geh, ờ lời gơtìp rơmơ\p ndơl, nisơna; tam dră, bơsong, kơryan, lơh kơryan jơh broă lơh bơh uă cau dê, ngan là cau lơh tìs ma túy, mờ broă lơh bơh mpồl jăt yàng Tin lành Đê Gar dê, pơgồp bơnah sền gàr niam lơngăp lơngai ờdo ờdă tàm tiah nhàr lơgar. Tơnơ\ do là tơngume dơ\ boh bơr mờ Đại tạ Vũ Trung Kiên, Kuang atbồ Gah đơng lam mpồl ling sền gàr tiah nhàr lơgar càr Gia Lai, jà làng bol mờ gơ\p bơyô iăt bal:       

Broă ai đảng viên ling sền gàr tiah nhàr lơgar rê tus [òn lơgar, ơm rềp bal mờ làng bol, pơgồp bal mờ kấp ủy, gơnoar atbồ kơnă hơđơm nàng bơtàu tơnguh lơh sa- mpồl bơtiàn, gàr kơ\ lơngăp lơngai chính trị, rơndăp tăp sèng ờdo ờdă mpồl bơtiàn tàm tiah nhàr lơgar càr Gia Lai geh lơh bè lơi tàm ală nam pa do, ơ ồng? 

 Đại tá Vũ Trung Kiên: Lơh jăt kơrnoat pơgồp bal đah Đảng ủy Bộ tư lệnh Mpồl ling sền gàr tiah nhàr lơgar mờ Tỉnh ủy Gia Lai dê den bol a` neh rcăng lài lơh kơrnoăt pơgồp bal mờ Huyện ủy pe kơnhoàl tiah nhàr lơgar. Jăt mờ hơ\, bol a` tơrgùm pơgồp bal đah Đảng ủy mpồl ling sền gàr tiah nhàr lơgar càr bal mờ huyện ủy pe kơnhoàl tiah nhàr lơgar đơng lam, sồr ală mpồl ling sền gàr tiah nhàr lơgar lơh broă jăt kềng gơl gùng tiah nhàr lơgar, pơgồp bal mờ kấp ủy gơnoar atbồ ală xã, tơrgùm bơ\t bơtàu ală bơta pràn bè chính trị, bè broă ling klàng, bè lơh sa- niam chài- mpồl bơtiàn tàm tiah nhàr lơgar. Jăt tàm bơta pal jăt là ngui ală mpồl kuang bàng ling sền gàr tiah nhàr lơgar să tờm tơn tus bal, bal mờ kấp ủy gơnoar atbồ tàm tiah hơ\ nàng kơ\ kơl jăp bơ\t bơtàu ală bơta pràn.

Mpồl cau tờm là bol a` ai 7 nă kuang bàng ling sền gàr tiah nhàr lơgar, sac rwah 7 nă oh mi geh nùs nhơm niam, broă lơh jak, geh kơnòl mờ geh bơto bơtê ngan ngồn nàng tus bal lơh broă tàm kấp ủy xã. Tus tu\ do, neh geh 6 tàm 7 nă oh mi ăt gơnoar broă Phó Bí thư Đảng ủy xã. Mờ bol a` sac rwah rlau 50 nă kuang bàng ling sền gàr tiah nhàr lơgar tàm ală pôs đồng ling sền gàr tiah nhàr lơgar nàng tus bal pơrjum cribơyai ală chi bộ thôn, [òn. Mờ bol a` jàu broă lơh kuang bàng bơh ală pôs đồng ling sền gàr tiah nhàr lơgar drơng sền hìu bơnhă.

Bal mờ broă lơh bè hơ\, den cồng nha lơh geh bè lơi, ơ ồng?

Đại tá Vũ Trung Kiên: Ngan là bơh mpồl cau do geh să tờm tơn ngai pah ngai bal mờ kấp ủy gơnoar atbồ kơnă hơđơm kơ\ kơl jăp, bơ\t bơtàu ală bơta pràn bè chính trị, bè lơh sa; lam lơh ală rơndăp broă lơh mờ mblàng yal nàng làng bol in lơh jăt ală gùng dà broă lơh bơh Đảng dê mờ tơnguh uă jơnau gi\t wa\, gi\t wa\ bè kơnòl bè dà lơgar jrong nhàr lơgar. Ngan tài bơh ală broă lơh loh làng hơ\ den tàng ală nam do, là bol a` neh bơ\t bơtàu geh nùs nhơm làng bol rcăng lài kơ\ kơl jăp tàm tiah nhàr lơgar. Bal mờ nùs nhơm làng bol rcăng lài kơ\ kơl jăp hơ\, lơh làng bol in pin dờn tàm Đảng, làng bol pin dờn tàm gơnoar atbồ, làng bol bal mờ jơh gùt mpồl ling sền gàr tiah nhàr lơgar mờ gơnoar atbồ bơ\t bơtàu ală bơta pràn.

Bal mờ hơ\, bol a` kung pơgồp bal niam mờ mpồl kuang àng, mpồl ling klàng bơ\t bơtàu ală nùs nhơm sền gàr dà lơgar tàm jơh gùt làng bol, nùs nhơm sền gàr bơta lơngăp lơngai tàm làng bol bè hơ\ geh lơh niam, den nùs nhơm sền gàr tiah nhàr lơgar jơh gùt làng bol ngai sơlơ geh lơh kơ\ kơl jăp tai. Mờ tus dì tu\ do, den gơtùi đơs ngan là jơh ală broă gơrềng tus sền gàr gơnoar tờm ù tiah nhàr lơgar den ndrờm hòi jà geh bal jơh ală anih lơh broă chính trị, bơta tus bal jơh nùs ngan bơh làng bol dê.

Ơi, dan ưn ngài ồng neh tus bal mờ bol a` tàm dơ\ boh bơr do!

Cau mblàng Lơ Mu K’Yến