VOV4.K’ho – Tàm Hà Nội, Bộ Nông nghiệp mờ Phát triển nông thôn pơrjum gùt mpồl “Cribơyai tơnguh cồng nha bơto broă lơh lơh sa suơn sre ai cau lơh broă tàm [òn lơgar in”. Cribơyai nàng kờ` ai tơlik ală broă lơh bơto bơtê mpồl cau lơh broă tàm gah lơh sa suơn sre; đal git lài rơndap broă bơt bơtàu broă rơndap lơh bơto broă lơh lơh sa suơn sre ai cau lơh broă tàm [òn lơgar in, lam lơh ală broă lơh kuơ màng bơh gah lơh sa suơn sre dê, tơngai bơh nam 2021 tus nam 2030.

Kờp du\ lài, tus nam 2030 digơlan geh pơgap 6 tơlak nă cau lơh broă kờ` bơto broă lơh lơh sa suơn sre, mờ geh mờr 100 brô mpồl lơh sa kă bro lơh sa suơn sre, 30 rbô hợp tác xã, 70 rbô mpồl lơh broă bal mờ 70 rbô trang trại lơh sa suơn sre. Ờ uă kuang bàng đơs là, pal pơn jat tai sền gròi broă dong kờl bơto bơtê tàm ală mpồl lơh sa kă bro, hợp tác xã mờ ală bơta broă lam lơh ngan ngồn tàm anih lơh sa; pơn jờng gùt mpồl bơtìan tus bal mờ tơnguh cồng nha ală hìu bơsram bơto broă lơh gơ jat bal mờ bơta geh ngan, jat jơnau kờ` cih mat lài bơh [òn lơgar mờ mpồl lơh sa kă bro.

Cau mblàng K’Duẩn