VOV4.K’ho – Ngai do, 19/9, Pơrjum kuang bàng ala mat gùt lơgar Mặt trận dà lơgar Việt Nam dơ\ 9, tơngai lơh broă bơh nam 2019 tus nam 2024 ngan ngồn geh lơh tàm càr lơgar Hà Nội. Mờ bơta tus bal bơh 1 rbô 300 nă kuang bàng ala mat, tàm hơ\ geh 999 nă kuang bàng ala mat ngan ngồn, pơrjum kuang bàng ala mat gùt lơgar Mặt trận dà lơgar Việt Nam dơ\ 9, tơngai lơh broă bơh nam 2019 tus nam 2024 geh tơngume “Tam klac bal – Làng bol lơh tờm – Tam gơl pa – Bơtàu tơnguh”.

Pơrjum geh kơnòl sền sơwì tơl làm ală bơta, cồng nha lơh jat Nghị quyết pơrjum kuang bàng ala mat gùt lơgar Mặt trận dà lơgar Việt Nam dơ\ 8, tơngai lơh broă bơh nam 2014 tus nam 2019, ai geh ală jơnau bơsram ngan ngồn, ai tơlik ală broă lơh ngan ngồn tàm tơngai lơh broă pa. Ală kuang bàng ala mat kơp kơnờm, pơrjum geh tơrgùm ală mpồl lơh broă gơgơs mpồl tam klac dờng gùt jơi bơtìan. Bơh hơ\ nàng sền gròi rài kis làng bol in, bơtàu tơnguh lơh sa mpồl bơtìan, sền gàr kơ\ dà lơgar, sền gàr lơngap lơngai, pơgồp bơnah bơt bơtàu Đảng, bơt bơtàu gơnoar atbồ sàng goh, pràn kơldang, kơ\ kơljap.

Cau mblàng K’Duẩn