VOV4.K’ho- Bal mờ nùs nhơm Tam pà bal bơta kờ` gơboh sơrlèt gan tơngai gơbàn kòp, ală bơnah phan pà bơh ală nùs nhơm niam dê neh jàu pà ai cau geh rài kis kal ke uă ir in tàm ù tiah [òn dờng Dà Làc, càr Lâm Đồng dê. Do là dùl tàm ală broă lơh geh kuơ ngan bơh tiah do dê, dong cau r[ah, cau kue\t kơlte, cau tăc ve\ số ram nùs rlau tàm tơngai gơbàn kòp.

Geh măt bơh gờ` ngan nàng dờp phan cau pà, mò Hoàng Thị Huệ ơm tàm tổ dân phố Mê Linh, sơnah [òn 9, [òn dờng Dà Làc yal: Hìu bơnhă mò mu\t tàm Lâm Đồng do lơh broă apah neh 10 nam do bloh, rài kis ùr bơklau kra mò dê mìng kơnờm jơh lơm tàm priă lòt khồm sồ siă mờ tăc ve\ số. Pah nhai, hìu bơnhă mò tơm priă apah hìu ơm rlau 1 tơlak đong mờ blơi phan sa den tàng ờ go\ gam jơngkah dùl êt lơi. Bơh dì tu\ lơh jăt ală broă lơh sồr ơm yah tam cah is mpồl bơtiàn nàng rcăng sơndră kòl, bàr nă ùr bơklau mò ờ go\ lơh broă lơi nàng gơlik priă jền den tàng rài kis siău siar ngan. Mò Hoàng Thị Huệ, đơs: A` dan ưn ngài ngan nùs nhơm niam bơh ală công ty, sơnah [òn, mờ bơh ală mpồl cau dê neh dong kờl ai a` in tàm tu\ kal ke bè do.

 Cau kal ke dờp phan dong kờl

Bơh tơnơ\ ngai sa tềp bơhiàn lơgar he dê, tu\ kòp lơh bơtờp, broă lơh tryăng sền kơnòm kòn se bơh mò Lê Thị Hồng Nguyệt dê (nam do 67 sơnam) tàm sơnah [òn 9, [òn dờng Dà Làc kung gơtìp ơm ing sơl, den tàng hìu bơnhă mò sa nđăp ờ tơl ngkời. Nàng geh priă ngui sa pah ngai mờ ròng siam sền gàr mè kra neh 95 sơnam, mò Nguyệt pal lòt lèng càn làm bă tiah. Mò Lê Thị Hồng Nguyệt, đơs: Tàm nam, a` kung sền gàr sơl bàr pe nă bol kòn se, tu\ do kòp den tàng khi ờ lòt pơyua tai. Tu\ do, a` ơm tàm hìu tryăng gàr mè kra, mè a` nam do neh 95 sơnam. A` ưn ngài ngan neh geh Dà lơgar sền gròi dong kờl hìu bơnhă a`.

Ồng Nguyễn Ngọc Ánh, Phó Chủ tịch UBND sơnah [òn 9, [òn dờng Dà Làc, pà gi\t: broă hòi jà tă pơgồp ală priă jền nàng lơh niam broă lơh sền gàr rài kis mpồl bơtiàn là broă lơh sùm bơh tiah do dê. Mơya, bơh tu\ geh kòp Covid-19 lơh bơtờp, den broă lơh do sơlơ geh sền gròi uă rlau tai. Uă cau geh nùs nhơm niam kung neh tam pà bal mờ [òn lơgar tàm broă lơh do. Ồng Nguyễn Ngọc Ánh, đơs: Uă ngan ală bơnah phan pà, bol a` ai priă bơh Kes priă cau r[ah sơnah [òn dê mờ bơdìh hơ\ tai, hòi jà ală mpồl lơh sa kă bro tă pơgồp nàng tam pà bal tai mờ làng bol. Gơ wèt mờ phan pà bol a` tam pà gơs 2 bơta, bơnah phan pà bơh sơnrờp tơl bơnah kờp priă 1 tơlak 500 rbô đong lời ai ală cau kal ke uă ngan in tàm sơnah [òn. Bơnah phan pà dơ\ 2, kờp priă là 500 rbô đong.

Ndrờm bè hơ\ sơl, tàm Ủy ban Nhân dân sơnah [òn 8, rlau 100 bơnah phan pà neh geh jàu tus tơn tàm tê ală cau kue\t kơlte, cau r[ah in mờ ndrờm lơh jăt niam jơnau sồr rcăng sơndră kòp. Dờp phe, [ung mi, tơngi sa, dà màn, mờ 200 rbô đong priă bơh ală cau geh nùs nhơm niam dê, bi Nguyễn Thị Ngọc là dùl nă cau kue\t kơlte lơh broă lòt tăc ve\ số, ngoh rơngăc ngan đơs bè do: A` apah hìu ơm is dùl nă să. A` gơtìp kue\t kơlte bơh dềt den tàng mu\t tàm do tăc ve\ số. Dờp geh ală bơnah phan pà do, den a` gơlơh chờ hờp mờ ưn ngài ngan ală oh mi neh dong kờl a`.

Kuang bàng, cau lơh broă tàm sơnah [òn 9, [òn dờng Dà Làc dong kờl cau kue\t kơlte dờp phan pà

Jăt bi Nguyễn Thị Thanh Tuyền lơh broă tàm Công ty Việt Farm dê yal, rlau 300 bơnah phan pà geh jàu tus tơn tàm tê cau kal ke dê là nùs nhơm bơh kuang bàng, cau lơh broă tàm công ty dê tă dùl ngai priă nhai nàng tă pơgồp. Tơngai tus, ală mpồl lơh broă bơh công ty dê geh pơn jăt tai hòi jà tă pơgồp, dong kờl ală cau geh rài kis kal ke sơrlèt gan tơngai gơbàn kòp. Bi Nguyễn Thị Thanh Tuyền, đơs: Bal mờ măt cau mờ UBND sơnah [òn neh lơh sră cih măt mờ neh lòt tus tàm tơl hìu lùp kờ` gi\t bè rài kis kal ke nàng dong kờl. Đah công ty geh pà tai ală bơnah phan pà bơdìh mờ cau neh geh cih măt tàm sră, bè cau kue\t kơlte, cau ờ geh tơl pràn lơh broă tờm tàm tơngai gơbàn kòp.

Nùs nhơm mờ broă lơh niam bơne\ ngan bơh ală mpồl cau, mờ cau dùl nă să is dê neh bơtơl tai bơta pin dờn ai ală cau geh rài kis kal ke jơgloh r[ah in tàm tơngai gơbàn kòp nàng khi in tơl pràn sơrlèt gan, dùl nùs bal mờ gùt lơgar kơryan tus geh kòp Covid-19.

Cau cih Tuấn Anh- Cau mblàng Lơ Mu K’Yến