VOV4.K’ho- Kờp tus drim do, 9/8, mìu nhàc dà ko\ dà cò tàm ală càr Tây Nguyên neh lơh 9 nă cau chơt, tàm khà hơ\ càr Dak Nông 4 nă cau chơt, Kon Tum 2 nă cau chơt. Ală càr Gia Lai, Dak Lak, Lâm Đồng tơl càr geh 1 nă cau  chơt tài dà cò pơr dô.

Drim do, bơta kòl van yuh dà tàm hìu ma\i pờ tơlik ồs đèng Dak Kar, càr Dak Nông neh geh lơh niam wơl, gàr niam ờ do ờ dă tơnau dơng dà in. Rlau 5 rbô7 00 hìu bơnhă làng bol tàm tiah đah đơm kung neh geh ntrờn tus tiah ờ do ờ dă. Broă lơh hìu ma\i pờ tơlik ồs đèng Dak Kar tàm xã Dak Ru, kơnhoàl Dak R’lâp, càr Dak Nông geh bơta pràn dơng dà 13 tơlak khối, 2 gah bơ tơt bơh tơnau dơng dà dê gơtìp tơrlah, digơlan bơcah bơ tơt dơng dà, pơhìn tus ờ do ờ dă làng bol ơm kis tàm tiah đah đơm gơ wèt ală càr Dak Nông, Bình Phước mờ Lâm Đồng.

Tềng đap jơnau pơhìn hơ\, mho mang òr, Mpồl đơng lam dà lơgar bè rơcang sơndră trồ tiah lơh aniai neh geh công điện jal mhar pơyua ală càr mờ ală bộ, gah broă lơh pơ gồp bal bơsong bơta ờ niam. Tàm tiah lơh niam wơl, mpồl kỹ thuật neh tơmù khà dà mờ broă yuh dà bơh gùng brong sơne\. Tu\ do, dà neh gơmù rlau 1 thơk, gàr niam ờ do ờ dă tơnau dơng dà in. Bulah bè hơ\, van lìu yuh dà kung ờ hềt gơtùi hoài tă hơđang. Broă rơndap lơh jal mhar dut ndơl là pal tờ rbòng lam dà.

Ală càr Dak Nông mờ Bình Phước neh ntrờn jal mhar rlau 5 rbô 700 nă cau kis hơ đơm hìu ma\i pờ tơlik ồs đèng Dak Kar tus tiah ờ do ờ dă. Ală tiah kung gam rơcang lài mpồl cau, phan bơna, ma\i mok nàng rơcang sơndră tu\ gơlik geh bơta ờ niam.

Ngai òr 8/8, Kuang đơng lam bồ Tỉnh ủy, UBND càr, Ủy ban Mặt trận dà lơgar Việt Nam càr Dăk Lăk neh tus tàm xã tiah nhàr lơgar Ya Lốp, kơnhoàl Ea Súp dê nàng pà phan, pơndờm pơnđiang làng bol tiah dà ko\ dà cò sơrlèt gan kal ke, sồr mpồl lơh broă geh gơnoar sơrbac mhar dong làng bol mhar bè ờs wơl rài kis.

       Mpồl kuang bàng đơng lam bồ Dăk Lăk pà phan thôn 12, mờ thôn 14 xã Ea Rvê in

Tus lồi ngai òr, xã Ia Rvê mờ Ia Lốp bơh kơnhoàl Ea Súp dê kung gam gơtìp dà wềl sơl ờ gơtùi lòt rê mờ đah bơdìh, tài bơh gùng rơndeh dờng 14C geh uă gơl gùng gơtìp ngơr bam jrô tàm dà. Mpồl lơh sa Sền gàr dà lơgar 737, Quân khu 5 neh ngui ca nô bơh anih lơh broă he dê mờ ai mpồl cau drơng gàr tàm ală gơl gùng ngơr bam dà nàng jun phan dong kờl tus ală tiah làng bol ơm kis mờ jun làng bol tus tiah tờm tàm ală tu\ digơlan gơbàn jơnau jal mhar.

           Bulah neh jơh mìu, dà ko\ tàm uă tiah bơh kơnhoàl Ea Súp dê kung gam pơn jat tai gơguh tih

Ală mpồl lơh broă geh gơnoar tàm Ea Súp kung gam drơng broă sùm ngai kung bè mang tàm tiah ngòt rơngơ\t. Tơnơ\ tu\ dà gơyuh tơn, kơnhoàl geh lơh niam wơl ală gơl gùng kuơmàng, mhar gơtùi dong làng bol lòt rê wơl bè ờs. Bal mờ jơh nùs dong kờl phan sa, kơnhoàl sền dờng màng ngan broă lơh rcăng sơndră kòp bơtờp tơnơ\ nhai mìu dà ko\ dà cò lơh aniai.

     Kuang àng Ea Súp tus tàm tiah dà ko\ lòt sền mờ dong kờl làng bol gơtìp trồ tiah lơh aniai

Tàm kơnhoàl Ngọc Hồi, càr Kon Tum, mìu sơr, càl khồm pràn neh lơh tơrlah hìu kù sền gròi mìr, lơh 2 nă ùr bơklau bi A Pix Lô mờ pơ ùr là bi Y Sa, ơm tàm [òn Chiên Chiết, xã Đăk Xú chơt. Ùr bơklau bi A Pix Lô lòt lơh mìr bơh ngai 6/8. Ờ go\ 2 nă ùr bơklau do rê tàm hìu, hìu bơnhă neh yal mờ gơ noar atbồ tàm [òn lơgar mờ lam lòt jòi. Tus àng drim gờ` ngai òr 8/8, mpồl lòt jòi sền go\ bi A Pix Lô bal mờ pơ ùr là bi Y Sa neh chơt tàm hìu kù sền gròi mìr gơtìp tơrlah.

Ngai òr 8/8, dà tih jơnhoa lơh ngơr bam jơh gi\t nđờ rhiang hìu làng bol tàm ală xã Đại Lào, Lộc Châu, Lộc Tiến, B’Lao bơh [òn dờng Bảo Lộc, càr Lâm Đồng. Tàm xã Đại Lào, xã neh ntrờ` 50 hìu bơnhă làng bol tàm ală thôn 1, 2 mờ 3 gơtìp ngơr bam jrô tàm dà. Tàm ală thôn 7, 8 mờ 9 gam gơtìp dà wềl tài bơh dà gơguh tih jơnhoa ngan. Tu\ do, [òn dờng Bảo Lộc gam hòi jà ală mpồl ling, kuang àng, ling griăp [òn, đoàn viên ơruh pơnu dong làng bol ntrờ` tus tiah ờdo ờdă.

Cau mblàng Lơ Mu K’Yến mờ K’Duẩn