VOV4.K’ho - Tây Nguyên là dùl tiah tàm gùt lơgar tus tu\ do ờ hềt geh dờp cau lơi gơtòp virus SARS-COV2.

Tàm broă lơh ngan bal mờ gùt lơgar rơcang sơndră mờ kòp gơtòp, ală càr tàm Tây Nguyên gam lơh nền nòn Chỉ thị sồ 16 bơh Thủ tướng Chính phủ bè ală broă lơh mhar tàm broă rơcang sơndră mờ kòp Covid-19. Dùl tàm ală broă lơh hơ\ là broă lơh anih sền gròi kòp bơh ală gah lơh broă.

Tơnơ\ mờ tu\ Thủ tướng geh Chỉ thị sồ 16 bè broă lơh jăt ală broă lơh mhar rơcang sơndră mờ kòp Covid-19, ală càr Tây Nguyên neh lơh ală anih sền gròi cau l^k mờ mu\t tàm càr, bơta tòm là tàm gơl gùng 14.

                      Anih sền gròi kòp tàm gùng 14 càr Dak Lak geh lơh tàm kơnhoàl Ea H’ Leo

Tàm càr Dak Nông, anih sền gròi kòp geh lơh tàm kơnhoàl Dak Rlấp mờ kơnhoàl Cư\ Jút, bàr tiah mpồng kuơ màng mu\t tàm càr. Tàm anih sền gròi kòp kơnhoàl Cư\ Jút, drim ngai 07 nhai 4 geh gal ngan cau mờ rơndeh lòt gan, jơh ală ndrờm geh sền gròi nền nòn ngan.

Thượng uý Phùng Quang Hải, kuang àng kơnhoàl Cư\ Jút pà g^t, tàm anih sền gròi do geh tơl kuang àng, ling klàng, đoàn ơruh pơnu, ling gàr [òn tàm do tus bal, tam pà lơh gơs 3 mpồl sền gròi lơh jăt kơnòl ngai kung bè mang.

Tàm 6 ngai do neh rơlao 18 rơbô nơm rơndeh mờ di pơgăp 34 rơbô 600 nă cau lòt gan ndrờm geh sền gròi să jan, ờ go\ cau lơi gơtìp bè bơta kòp.

-Kuang àng kơnhoàl Cư\ Jút geh broă đơng lam bơh gơnoar atbồ lơh jăt broă sền gròi kòp Covid-19 bơh ngai 02 nhai 4 tus tu\ do. Bơh broă sền gròi den go\ làng bol lơh jăt niam ngan.

Dơ\ bàr, nùs nhơm lơh broă bơh oh mi kuang àng kơnhoàl, phòng cảnh sát sền gàr gùng lòt càr, mpồl đơng lam ling kơnhoàl mờ đoàn ơruh pơnu den ală oh mi ndrờm lơh broă jơh nùs.

Bal mờ càr Dak Nông, broă sền gròi lơh sơnơm geh ală anih sền gròi bơh ală càr Tây Nguyên lơh jăt nền nòn ngan, mơya kung gam tơl niam broă lòt rê làng bol dê.

                                    Làng bol yal bè bơta să jan mờ kuang bàng lơh sơnơm

Tàm anih sền gròi càr Dak Lak geh lơh tàm gùng 14, gơl rềp mờ rơbàng 110, gơwèt kơnhoàl Ea H’ Leo rềp mờ càr Gia Lai, ală kuang bàng gam cih nền nòn măt cau măi rơndeh, [àng sồ rơndeh, bơta duh să jan mờ tơngai lòt tơl nă cau bơh càr ndai tus.

Pang sră sền gròi kờp tus jơh ngai 06 nhai 4 neh lơ-u\t rơlao 8 rơbô pang, ndrờm mờ rơlao 8 rơbô nă cau yal bè bơta să jan. Đại uý Trần Hữu Thanh, kuang àng kơnhoàl Ea H’ Leo pà g^t, làng bol neh lơh jăt niam broă sền gròi kòp:

-Tu\ oh mi ơm rơndeh kờ` sền gròi mờ ai sền gròi bơta duh să jan den làng bol ndrờm lơh jăt niam broă yal bè bơta să jan mờ sền gròi bơta duh să jan geh mpồl lơh broă lơh jăt.

Jơh ală làng bol kung neh lơh jăt broă pơn chèo gòm muh măt, geh ờ uă cau ờ hềt geh den bol a` neh pà nàng lơh jăt broă pơn chèo gòm muh măt niam.

Jăt bơta go\ bơh cau ai tơng^t, broă sền gròi să jan tàm ală anih sền gròi gùng lòt bơh ală càr Tây Nguyên dờp geh broă ring bal bơh làng bol.

Bi Nguyễn Thanh Tuấn, cau măi rơndeh lòt bơh [òn dờng Đà Nẵng tus càr Dak Lak jăt gùng 14, tu\ ơm rơndeh kờ` sền gròi tàm anih sền gròi Ea H’ Leo yal bè să jan, chờ hờp pà g^t:

-A` yal kung mhar. Ngan là lơh bè do den niam tus mờ să jan he mờ niam tus mờ cau ndai mờ mpồl bơtiàn in tai. Jơh ală cau ndrờm lơh niam, geh bơto sồr he lơh niam.

He kung lơh jăt Chỉ thị bơh Thủ tướng Chính phủ, lơh jăt broă tam cah is mpồl bơtiàn, đơs ngan là ơm tàm hìu, gam geh broă geh kuơ hơ\ sồng he l^k lòt hờ bơdìh.

Bi Bùi Thanh Tân là cau măi rơndeh pơn diang phan bơh càr Đồng Nai tus càr Kon Tum pà g^t, lòt gan càr lơi bi kung ơm tềng anih sền gròi nàng sền gròi bơta pràn să jan. Ală càr ndrờm lơh jăt nền nòn mờ bi gơlơh iang nùs tàm tơngai kòp Covid-19 gam gơtìp kal ke:

-A` pơn idang phan do là phan du\t ndơl drà lòt tus càr Kon Tum. A` go\ broă sền gròi bơta pràn kơl dang să jan là niam, lòt tàm tiah lơi, gan tàm càr lơi kung geh anih sền gròi kòp gơtòp tơl, lơh niam ngan.

A` go\ Chính phủ. Thủ tướng đơng lam lơh ală broă bè do là niam ngan. Lòt tus tàm tiah lơi kung geh cau sền gròi kòp bè do den hơ\ sồng niam ờ do ờ dă. Niam ờ do ờ dă ai làng bol in là rơlao jơh.

Mờ nùs nhơm “Tam dră mờ kòp bè tam dră mờ cau iơh sò tơm”, broă lơh jăt broă sền gròi să jan ală càr nền nòn, mờ broă lơh bal, lơh jăt niam bơh làng bol bè tơngai do tàm ală càr Tây Nguyên, geh là broă lơh kuơ màng kờ` kơrian kòp gơtòp geh cồng nha.

Cau mblàng Ndong Brawl