VOV4.K’ho- Jat tơrgùm kờp ờ hềt tơl bơh Mpồl đơng lam rcăng sơndră trồ tiah lơh aniai mờ jòi cau dong kờl rềs àr càr Dăk Lăk dê, tàm 2 kơnhoàl Buôn Đôn mờ Ea Súp neh geh mờr 800 nơm hìu gơtìp aniai mờ gi\t nđờ rbô lồ chi tam gơtìp ngơr bam tàm dà.

                                                      Ngơr bam da tàm Dăk Lăk

Tàm hơ\, geh 20 hìu bơnhă làng bol tàm tiah ngòt rơngơ\t gơ wèt 4 xã bơh kơnhoàl Buôn Đôn dê, tàm hơ\ geh: Ea Wer, Ea Huar, Krông Na mờ Ea Bar neh geh ntrờ` tus tiah ờdo ờdă. Mìu dà ko\ dà cò dơ\ do neh lơh ồng Hoàng Trung Tùng ơm tàm thôn Hiệp Kết, xã Quảng Hiệp, kơnhoàl Chư Mgar chơ\t.

                                    Ngơr bam dà tàm gùng càr 1 Dăk Lăk

Jat jơnau tơngkah lài bơh Anih yal tơngi\t lài trồ tiah dà ia càr Dăk Lăk dê, tài bơh gơrềng bơh mìu dờng, tàm ală kơnhoàl Ea Súp, Buôn Đôn, Chư Mgar mờ ală tiah gùt dar digơlan gơtìp dà cò, tơrlah ù tàm ală dà dờng, dà croh dềt mờ ngơr bam jrô dà tàm bàr pe tiah.

           Dong làng bol lik bơh tiah gơbam dà tàm sơnah [òn Tân Lập, Buôn Ma Thuột, Dăk Lăk

Mpồl đơng lam rcăng sơndră trồ tiah lơh aniai mờ jòi dong kờl cau rềs àr càr Dăk Lăk neh sồr kấp kơnhoàl, kấp xã lơh jat niam jơnau đơs “4 tơn dùl bă tiah”, mờ ală tiah kung pal hòi jà ală mpồl cau, rơndeh rơndồ phan bơna tus bal dong kờl rềs àr, ntrờ` kòn bơnus mờ phan bơna làng bol dê tus tiah ờdo ờdă.

Tàm càr Lâm Đồng, mìu sơr pơn jat tai jo\ jòng lơh dà ko\ dà cò nisơna gơlik geh tàm thôn Xuân Thượng, xã Dà Pal, kơnhoàl Dà Teh. Gơnoar atbồ tàm [òn lơgar neh lam sồr di tu\ ală mpồl kuang àng, ling klàng tus dong kờl làng bol, mhar ntrờn jơh làng bol tàm tiah gơtìp dà ko\ dà cò lơh aniai tus tiah ờ do ờ dă.

                                         Lâm Đồng ntrờ` làng bol xã Mỹ Đức, Dà Teh

Ală mpồl neh ntrờn 50 hìu bơnhă làng bol xã Triệu Hải mờ thị trấn Dà Teh geh hìu gơtìp ngơr bam jrô tus tiah ờ do ờ dă. Uă hìu tàm thôn 6, xã Mỹ Đức mờ thôn 11, xã Dà Kho digơlan gơtìp ngơr bam jrô. Kung tàm kơnhoàl Dà Teh, gơl gùng tơrlah lài hơ\ tàm kùel Con Ó, gơ wèt gùng càr 725 neh lơh niam wơl, mơya pơn jat tai geh dùl gơl tơrlah pa, lơh gùng lòt gơtìp kòl jơh tơn.

                                   Lâm Đồng dong làng bol ntrờ` phan bơna

Tàm 2 kơnhoàl rềp mờ Dà Teh là Cát Tiên mờ Dà Oai, mìu nhàc dà ko\ dà cò kung lơh aniai kơn jơ\ ngan. Ală mpồl lơh broă kơnhoàl Cát Tiên mờ Dà Oai dê gam ntrờn làng bol tàm tiah ngòt rơngơt tus tiah ờ do ờ dă. Mìu sơr kung lơh 2, 3 tiah tàm [òn dờng Dà Làc mờ kơnhoàl Lạc Dương gơtìp ngơr bam jơh, tàm hơ\ git nđờ jơt nă cau tàm xã Lát, kơnhoàl Lạc Dương gơtìp tam cah is tài bơh dà cò wềl.

                                Lâm Đồng dà cò pơrdô roh thi\t dùl nă kuang àng

Tàm [òn dờng Bảo Lộc, dà tàm dà croh Đại Lào gơguh tih, hòr `hang ngan neh lơh 1 nă kuang àng xã gơtìp dà cò pơr dô ờ jòi go\ [ồc. Tu\ do, ală mpồl lơh broă geh gơnoar gam tơr gùm jơh cau lơh broă dong làng bol ntrờn lik bơh ală tiah ngòt rơngơt tus tiah ờ do ờ dă, mơkung ai cau lơh broă ngai mang nàng rơcang lài tam dră tu\ geh bơta aniai nisơna gơlik geh.

Jat tơrgùm kờp bơh Mpồl đơng lam rcăng sơndră trồ tiah lơh aniai mờ jòi dong kờl cau gơtìp rềs àr càr Dăk Nông dê yal, tus ngai òr 8/8, bă ù tam phan sa mờ chi jo\ nam gơtìp ngơr bam dà tàm càr pơn jat tai gơguh uă, khà hìu làng bol gơtìp gơbam dà neh gơguh tus gi\t nđờ rhiang nơm.

Ngan là mìu dờng neh lơh thôn 14, xã Dăk Sin, kơnhoàl Dăk R’lấp gơtìp tơrlah ù lơh gơkòl gùng, lơh gi\t nđờ rhiang hìu bơnhă làng bol gơtìp gơkòl. Geh 3 nă cau bơh 1 hìu bơnhă tàm thôn do gơtìp bồr tơ\p tài bơh tơrlah ù, mpồl lơh broă geh gơnoar gam jơh nùs ngan jòi cau gơtìp roh thi\t. Cau gơtìp roh thi\t là ồng Trần Văn Hiệu, bal mờ pơ ùr là Đỗ Thị Yến mờ kòn ùr 2 sơnam.

Jơnau yal bơh UBND kơnhoàl Chư Prông, càr Gia Lai dê pà git, mìu sơr bal mờ dà bơh đah tô ală dà croh tuh rê lơh gơbàn ngơr bam uă tiah mờ tam cah is 2, 3 [òn làng bol ơm kis tàm xã Ia Mơr. 1 nă sau dềt neh gơtìp ntiar jơng duh tàm dà lơh gơbàn chơt să.

                                Ngơr bam dà bàr pe tiah tàm Gia Lai

Tàm tiah pôs ling sền gàr tiah nhàr dà lơgar Ia Lôp, mpồl ling neh dong gơtùi 3 nă cau gơtìp kòl tàm mìr tài ngơr bam rê hờ tiah ờ do ờ dă. Tu\ do geh 4 tàm 5 thôn bơh xã Ia Mơr dê gơtìp ngơr bam, rlau 100 lồ kòi mờ phan tam lơyah ngai gơtìp aniai. Kuang đơng lam bồ kơnhoàl Chư Prông neh lòt sền tơn, đơng lam ală tiah rơcang sơndră dà ko\ dà cò, lùp còp, dong kờl hìu bơnhă geh sau dềt gơtìp chơt bu\ dà.

      Gùng Kon Tum neh geh kuài tơrgùm jơh ù lu\, gơl gùng neh gơtùi lòt rê wơl bè ờs

Ngai òr 8/8, càr Kon Tum neh sơrbac mhar koài tơrgùm jơh ù lu\, lơh gơtùi lòt rê wơl gơl gùng Ngọc Hoàng- Măng Bút- Tu Mơ Rông- Ngọc Ling gơ wèt kơnhoàl Tu Mơ Rông. Lài hơ, mìu dờng jo\ jòng lơh ù lu\ tơrlah bồr tơ\p jơh dùl gơl gùng bal mờ bơta jòng pơgăp 50 thơk, lơh gơkòl gùng tàm jơh gùt gơl gùng do. Tơnơ\ hơ\ tơn, Công ty Cổ phần Atbồ mờ Bơ\t bơtàu broă lơh gùng lòt càr Kon Tum ai măy mok tus tàm tiah do nàng bơsong kờ` gơl gùng do gơtùi lòt rê wơl bè ờs.

Cau mblàng Lơ Mu K’Yến mờ K’Duẩn