VOV4.K’ho – Dơ\ mìu nhàc dà ko\ dà cò dơ\ do tàm ală càr Tây Nguyên neh mu\t tàm ngai dơ\ 4, mờ uă bơta hoàc huơr bè kòn bơnus, phan bơna, broă lơh sa.

Gơnoar atbồ, anih lơh broă geh gơnoar mờ làng bol Tây Nguyên pal mhar bơsong broă gơbàn tàm ală tiah dà ko\ dà cò neh gơhoài dà, dong kờl lơh kơl jăp wơl rài kis, mờ kung tơrgùm rơcang sơn dră mờ ală jơnau ngòt rơngơ\\t pa gơlik geh.

Bơta aniai lơh ngòt rơngơ\t lài ngan là broă lơh bơtơ\t dơng dà hìu ma\y pờ tơlik ồs đèng Đăk Kar, gam lơh tàm xã Dak Ru, kơnhoàl Dak Rlấp, càr Dak Nông, rềp nhàr mờ càr Bình Phước. Tiah yuh dà bơh tơnau dơng dà hìu ma\y pờ tơlik ồs đèng rơlao 13 tơlak khối dà gơtìp kòl lơh dà sùm gơguh tih, lơh pơhìn tơrlah bơtơ\t dơng dà, pơhìn uă ngan tus mờ rài kis làng bol tàm đah đah đơm bơtơ\t dơng dà gơwèt ală càr Dak Nông, Bình Phước mờ Lâm Đồng.

Ală càr neh ntrờ` mhar rơlao 5 rơbô 700 nă làng bol tus tàm tiah ờ do ờ dă. Hìu ma\y pờ tơlik ồs đèng Dak Kar neh yuh dà tih bơh gùng ding ndai, mơya bơta di gơlan tơrlah bơtơ\t kung gam gơlik geh uă ngan di lah trồ tiah gam pơn jat tai mìu dờng.

Àng drim gờ` ngai òr (09/8), tềng koèl kơh Bảo Lộc, gùng 20, gơl lòt gan [òn dờng Bảo Lộc mờ kơnhoàl Dà Huoai, càr Lâm Đồng neh gơbàn tơrlah ù uă ngan.

                                        Bàr nơm rơndeh gơtìp ù, lu\ tơrlah bồr tus jăt gah taluy

Dùl nơm rơndeh pơn diang năc 50 anih nggui mờ dùl nơm rơndeh 7 anih nggui gam lòt tàm gùng den ni sơna ù lu\ bơh chàr bơnơm gơdùh di lơh rơndeh gơtìp aniai uă.

                                         Tiah gơbàn tơrlah lơh rơndeh ờ gơtùi lòt

Bơtoah ngan uă tòm chi bal mờ gle kơdìng rơndeh den tàng ờ gơtìp aniai tus mờ kòn bơnus, geh ờ uă cau gơtìp sồt să neh geh làng bol bal mờ mpồl lơh broă geh gơnoar cèng tus hờ hìu sơnơm 2 Lâm Đồng sơm sồt.

                Mpồl lơh broă geh gơnoar càr Lâm Đồng gam lơh ngan hoài rơndeh tài tơrlah ù

Dơ\ tơrlah ù neh lơh uă gơl gùng tàm koèl kơh Bảo Lộc gơtìp kòl. Mpồl lơh broă geh gơnoar càr Lâm Đồng lơh ngan pơn ring gùng, sền gròi nền nòn ală tiah ndai di gơlan gơtìp tơrlah kờ` geh jơnau yal làng bol mờ ală rơndeh lòt tàm gùng 20 in.

Tàm càr Dak Nông pa geh tai dùl nă cau gơtìp dà pơrdô chơ\t. Ngai (08/8), bi H’ Loan (ơm tàm [òn Tăng So, xã Dak Som, kơnhoàl Dak Glong) lòt p^c biăp tàm croh dà Dà Tông, ni sơna gơtìp dà pơr dô. Tơnơ\ uă jơ lòt jòi, làng bol mờ mpồl lơh broă geh gơnoar neh jòi go\ [ồc. Gơnoar atbồ tiah do dê neh bal mờ làng bol dong kờl dùl bơnah priă jền, dong kờl mờ pơn đờm pơn điang hìu bơnhă cau gơbàn rềs àr.

Kơnhoàl Lăk, càr Dak Lak geh 440 lồ phan tam, tàm hơ\ mìng là kòi sre gam tàm tơngai l^k neh gơtìp aniai tài mìu dà bam.

Tàm xã Bông Krang geh 1 broă lơh bơtơ\t dơng dà gơtìp dà cò. Uă [òn làng bol ơm kis tàm xã do gam tàm bơta di gơlan gơtìp gơbam dà di lah trồ pơn jăt tai mìu.

Cau mblàng K’ Hạnh