VOV4.K’ho- Tây Nguyên gam là kàl prang dờng, uă bă brê tàm do gam geh pơhìn digơlan gơtìp ồs sa uă ngan, mơya broă lơh rcăng sơndră ồs sa brê gam tìp wơl uă bơta kal ke.

Tây Nguyên rlau 1 tơlak 300 rbô lồ brê digơlan gơtìp ồs sa uă

Jăt tơrgùm kờp bơh Chi cục Kiểm lâm tiah IV gơ wèt Cục Kiểm lâm, Tây Nguyên geh 1 tơlak 300 rbô lồ brê gơ ơm tàm tiah digơlan gơtìp ồs sa brê uă ngan. Nam 2019, jơh gùt kơnhoàl ù tiah do gơlik geh pơgăp 30 dơ\ ồs sa brê, lơh hoàc hươr mờr 200 lồ. Ală nhai bồ nam do, tàm tiah do kung neh gơlik geh bàr pe dơ\ ồs sa brê bè tàm Kon Tum 6 lồ mờ nggùl, Lâm Đồng 10 lồ.

Ồng Tô Xuân Đam, Phó kuang ătbồ Chi cục Kiểm lâm tiah IV pà gi\t, bulah pơhìn gơbàn ồs sa uă tàm bă ù uă mơya broă lơh rcăng sơndră ồs sa brê tàm tiah do gam tìp uă ngan kal ke, kal ke ngan crùh gơsơ\t ồs dilah gơlik geh ồs sa. Gah lơh broă brê bơnơm tàm tiah do gam jơh nùs lơh ală broă lơh nàng rcăng lài sơndră wơl tu\ gơlik geh ồs sa brê.

Cau mblàng Lơ Mu K’Yến