VOV4.K’ho - Kàm mìu nam do geh yal lài gơtìp kal ke ngan, lơh aniai uă ngan tus mờ rài kis mờ broă lơh sa làng bol dê. Tàm Tây Nguyên, tu\ do gam geh g^t nđờ 10 rơbô lồ suơn tam phan ờ tơl dà tuh, uă bă suơn tam phan neh gơtìp chơ\t ro ha là ờ geh tơnhào tai.

Tàm tu\ hơ\, khà dà tàm ală tơnao dơng dà gơhoài uă ngan pơn drờm m bè ờs pah nam. Ală broă lơh bơtơ\t dơng dà tu\ do neh mpờl ù, làng bol lơh ngan jòi tơl bơta kờ` sơndră mờ trồ prang.

Tàm trồ tơngai duh bơh kàl prang Tây Nguyên dê, bi Lương Văn Dục, kis tàm [òn Giang Xuân, xã Ea Đăh, kơnhoàl Krông Năng, càr Dak Lak lơh ngan ơn crăp măi tuh dà suơn kơphe rơlao 600 tòm in.

                                           Uă croh dà, dà dờng tàm Tây Nguyên neh soăt dà

Tài mìng dùl gơl croh dà dềt mờ geh tus 4, 5 nơm măi [ồm dà gam lơh broă jơh bơta pràn. Jăt kờp du\ bơh bi dê den di gơlan dà tàm croh do soăt mơ, suơn kơphe pal kơnờm mờ dà mìu bơh trồ dê:

-Di gơlan là ờ su\k ngan bloh, tài dà sơlơ ngai sơlơ soăt. Uă hìu tu\ do kung gam ờ tơl dà, ờ uă cau geh tơlung khoàng. Mờ tu\ do geh tơlung khoàng den kung neh soăt sơl. Bơta do di gơlan gam prang uă rơlao mờ nam lài. Tu\ do,  g^t pal tam phan lơi kờ` gơdờp mờ ù tiah do.

Ồng Lê Văn Hiển, Phó Chủ tịch UBND xã Ea Đăh, kơnhoàl Krông Năng pà g^t, gùt xã geh di pơgăp 3 rơbô lồ phan tam mơya dà bơh bàr tơnao dơng dà dềt mìng di pal mờ broă tuh dà ờ tơl 100 lồ ù sơl, hơ\ là di pơgăp 3% bă ù.

                                 Sre kòi Nam Dong (Cư\ Jút, Dak Nông) ờ hềt l^k mơya dà neh soăt

Bă ù gam tai gơrềng uă ngan tàm ală tơnao dà ròng ka, tơlung dà làng bol dê. Tu\ do, ală bơtơ\t dơng dà kung kung bè tơnao dà, tơlung dà neh rơhời soăt, uă hìu nhă neh ờ gam tơl dà tuh phan tam in. Mìng tàm tơngai ờ jo\ tai, broă trồ prang geh gơbàn uă tàm xã do:

-Tàm nhai 3 do den gơtìp kal ke ngan tài dà dờng, dà croh den ngài, den tàng ờ gơtùi ai tơl dà kờ` di pal mờ broă lơh làng bol dê kung là dùl bơta kal ke. Mờ xã ờ geh bơtai dơng dà dờng kờ` prăp dà làng bol in.

Gơwèt mờ xã den kung dan mờ ală cấp ai tơl bơta niam kờ` lơh niam wơl ờ uă bơtơ\t ha là lơh ờ uă bơtơ\t dơng dà mơya tài priă ờ geh den tàng kal ke ngan.

Bal mờ càr Dak Lak, bơta trồ prang kung gam gơbàn uă ngan tàm uă tiah tàm Tây Nguyên. Tàm ală kơnhoàl đah măt tơngai l^k mờ đah jum măt tơngai l^k càr Gia Lai, do là ù tiah tam tào tòm ngan gùt lơgar dê mờ di pơgăp 30 rơbô lồ gam ro kơnra` tài trồ prang.

Bă sre lơh kòi bàr kàl tàm xã Ea Pô, kơnhoàl Cư\ Jút, càr Dak Nông gơtìp sơbì bơrlơu g^t nđờ nam, do tài prang ờ geh dà

Ồng Nguyễn Hoàng Phước, Phó kuang atbồ hìu măi sơdàng An Khê, thị xã An Khê, càr Gia Lai pà g^t, 15 rơbô lồ tào tàm tiah tam tào bơh hìu măi gơtìp gơmù cồng nha, rơlao 7 rơbô lồ tàm khà do tào mìng hòn bè mpung `hơ\t, ờ gơtùi tơnhào, hoàc huơr g^t nđờ rơhiang tơmàn đong:

-Bu\ lah hìu măi kung lam sồr, gơnoar atbồ tàm do bal mờ làng bol kung lơh ngan tàm broă sền gàr tào, mơya ờ jai, ờ g^t lơh bè lơi. Trồ tơngai duh bơh 7 tus 8 nhai, lơh aniai uă ngan tus mờ broă hòn gơs tòm tào dê tàm tơngai geh gao, tơngai kờ` ai geh cồng nha.

Gam tàm càr Dak Nông, ồng Hồ Sơn, Kuang atbồ phòng NN mờ PTNT kơnhoàl Cư\ Jút pà g^t, do là nam dơ\ 4 pơn jăt tơn trồ prang gơbàn kal ke tàm tiah do.

                               Làng bol xã Dak Rông Cư\ Jut, càr  Dak Nông [ồm dà tuh kơphe in

Tàm tu\ hơ\, mìng geh 15% tàm 30 rơbô lồ bă ù lơh sa suơn sre kơnhoàl dê geh rơcang mờ dà tuh bơh ală bơtơ\t dơng dà. Broă lơh ai ală bă ù gơtìp prang geh kơnhoàl sồr là bơcri priă lơh anih [ồm dà bơh dà dờng Srepok tus, mơya kờ` lơh pal geh uă ngan priă:

-Broă lơh den kơnhoàl kung geh jơnau yal tus mờ càr in, kờ` dan mờ càr bal mờ dà lơgar dong kờl lơh anih [ồm dà, ai dà bơh dà dờng Srepok, [ồm tus mờ lơh rơbòng tus di pơgăp 5 rơbô lồ tàm tiah ală xã Nam Dong, Ea Pô, Dăk Wil, Dăk Rông. Dà dờng Srepok geh tàm tiah jơng bơnơm `hoa, den tàng, pal [ồm guh dòr bơnơm do hơ\ sồng geh dà tus tàm bă ù lơh sre.

Tu\ do mìng rơ\p sơn đờm tơngai prang dờng, di gơlan trồ prang gam pơn jăt tai kal ke tàm tơngai jo\ tàm Tây Nguyên.

Ală cấp, gơnoar atbồ bal mờ gah lơh broă geh gơnoar ală càr gam lơh ngan rơcang ală broă lơh kờ` sơndră mờ trồ prang, tơmù ờ uă ngan bơta aniai di gơlan gơbàn.

Cau mblàng Ndong Brawl