VOV4.K’ho- Mìu dờng tàm 2 ngai do neh lơh dùl ròt tiah thòng tiah lơyah tàm ală càr: Dăk Lăk, Dăk Nông mờ Lâm Đồng dê gơtìp ngơr bam dà. Dùl nă làng bol tàm càr Dăk Lăk chơ\t tài bơh dà cò pơrdô. Cau gơtìp dà cò là ồng Hoàng Trung Tùng (60 sơnam, ơm tàm thôn Hiệp Kết, xã Quảng Hiệp, kơnhoàl Chư Mgar, càr Dăk Lăk).

                             Mpồl dong kờl tàm dùl gùng dềt bơh gùng Nguyễn Văn Cừ, Buôn Ma Thuột

Ngai òr 7/8, tu\ tiă gan dà croh Ea Tul, ồng Tùng gơtìp ntiar jơng mờ gơtìp gơdùh tàm hiòng dà ko\ gam ntoăt jơnhăng ngan. Tơnơ\ pơgăp 1 jiơ lòt jòi, mpồl lơh broă geh gơnoar neh jòi bàn [ồc ồng Tùng gơ ơm ngài mờ anih gơtìp dà cò pơrdô pơgăp 3 kơi sồ.

                                          Ală mpồl dong kờl làng bol tàm Ea Súp

Ală mpồl lơh broă geh gơnoar càr Dăk Lăk dê gam pơn jat tai dong kờl mờ ntrờ` làng bol tàm tiah ngòt rơngơ\t tus tàm tiah ờdo ờdă. Mpồl ling sền gàr tiah nhàr lơgar càr Dăk Lăk mờ ală mpồl lơh broă geh gơnoar neh ntrờ` niam ờdo ờdă ai jơh ală làng bol tiah ngơr bam dà kơnhoàl Ea Súp in.

                                             Ală mpồl dong kờl làng bol tàm Ea Súp

Bulah bè hơ\ geh 3 nă bèp mờ kòn tàm xã Ia Rvê ờ bài dờp bơta dong kờl, ơm wơl tàm [làng ròng phan gam gơtìp dà wềl tài bơh dà ko\ dà tih bal mờ ală rơpu, kơnrồ hìu bơnhă dê. Ủy ban Nhân dân càr Dăk Lăk neh geh sră pơyua mhar bè broă dong kờl, tàm hơ\ sồr rồn bơklơn ală cau tàm tiah ngòt rơngơ\t dilah khi ờ bài lòt ntrờ`.

Tàm ală tiah dà ko\ dà tih tàm ală kơnhoàl: Buôn Đôn, Cư Kui` mờ [òn dờng Buôn Ma Thuột, mpồl lơh broă geh gơnoar neh ngui plung mờ phao jun làng bol tus tiah ờdo ờdă.

                        Dăk R'Lấp pà àu pơr đồng mờ phao bal mờ phan sa ai ală tiah gơtìp dà wềl in

Tàm càr Dak Nông, gơnoar atbồ bal mờ gah lơh broă geh gơnoar gam mhar dong kờl làng bol sơndră mờ mìu dà cò. Uă ngan là tàm kơnhoàl Dak Rlấp geh 60 nơm hìu gơbam tàm dà. Kơnhoàl neh mhar jun 40 nơm ào pơrđồng mờ 20 nơm phan pơrđồng kờ` gàr niam màng kis làng bol, mờ ai [ung mi làng bol tàm tiah gơbàn gơbam dà koh gơl in.

                                     Ngơr bam jrô dà tàm xã Tiên Hoàng, Lâm Đồng

Tàm kơnhoàl Cát Tiên, càr Lâm Đồng dà cò tàm bàr pe tiah tàm xã Tiên Hoàng lơh jơh dùl rhiang lồ phan tam gơtìp cò pơrdô jơh. Tu\ do, tàm do geh 70 nơm hìu gơtìp ngơr bam tàm dà, anih lơh broă Ủy ban Nhân dân xã Tiên Hoàng mờ ală hìu bơsram kung gơtìp ngơr bam jrô tàm dà sơl. Kơnhoàl Cát Tiên neh hòi jà ală mpồl cau lòt ntrờ` ală hìu làng bol lik bơh tiah ngơr bam dà.

Cau mblàng Lơ Mu K’Yến mờ Ndong Brawl