VOV4.K’ho- Thượng tướng ồng Lê Chiêm Thứ trưởng Bộ Quốc phòng, Kuang ătbồ Mpồl đơng lam 1389 Bộ Quốc phòng neh lòt sền broă lơh rcăng sơndră cau lơh tìs, kă bro kơ`au mờ blơ\ blăc kă bro, phan ờ ngan càr Kon Tum dê.

Thượng tướng ồng Lê Chiêm jờng rơ mờ đơs niam ngan Đảng ủy, Gah đơng lam Mpồl ling sền gàr tiah nhàr lơgar càr Kon Tum dê neh đơng lam, sồr mpồl lơh jăt niam jơnau sồr, lơh ngan lơh gơs niam kơnòl broă nam 2019; pơgồp bơnah ătbồ, sền gàr kơ\ kơl jăp gơnoar tờm ù tiah dà lơgar, lơngăp lơngai chính trị, rơndăp tăp sèng ờdo ờdă gùt mpồl bơtiàn tàm tiah nhàr lơgar.

Thượng tướng sồr mpồl ling pơn jăt tai lơh jăt ală Chỉ thị bơh Bộ Quốc phòng, Gah đơng lam Mpồl ling sền gàr tiah nhàr lơgar bơh dà lơgar dê, rcăng lài pơgồp bal niam rlau tai mờ ală mpồl cau nàng kờ` tam dră mờ kơryan geh cồng nha broă lơh bơh ală mpồl cau lơh tìs dê mờ ală broă lơh kă bro kơ`au- blơ\ blăc kă bro, phan ờ ngan, kuơmàng là sền go\, bơsong broă pơndiang, ntrờ`, kă bro tìs mờ kơrnoat boh lam pháo bơrtoh tàm dơ\ sa tềp bơhiàn Canh Tý.

Bal mờ hơ\, sơlơ mblàng yal, bơto yal, bơto bơtê kơrnoat boh lam ai làng bol tàm tiah do in, ba` lời làng bol dong kờl cau lơh tìs mờ ală cau lơh tìs kơrnoat boh lam in; tơnguh tai broă lơh ătbồ bơto bơtê kuang bàng, cau ling, sền gròi ngan sền gàr chính trị tàm dơlam is mpồl.

Cau mblàng Lơ Mu K’Yến